19ê kanûna 2000 de Hepisxaneyê Bayrampaşa de bin nameyê ‘Agêrayîşê Cuye’ de qetlîyamêk virazîyabî û 12 kesî bi hawayo hov amebî qetilkerdiş. AKP hewl dana serê qetlîam binimno.
Şaredarîya AKPyî yê Bayrampaşa ser keyepelê xo yê înternetî de îzehetêk pare kerde û îzehet de yeno vatiş ke ser erdê hepisxaneyî de awanî, sînema, tîyatro, sergî, tîcaret, kitabxane, rayîrê bîsîklete, kreş û cafeyî do bêrî viraştiş. Şaredarî herzewbîn reklamê awanîyan bi fotografanê operasyonê ‘Agêrayîşê Cuye’ dayî naskerdene. Goreyê xebera Rojnameyê Cumhurîyetî, Mehkemeya Îdareyî ya 13. ya Stenbolî derheqê projeyî de 4 reyî qerarê vindarnayîşî dayo. Projeyê awanîyan serra 2011 de ame amadekerdiş. Şaredarîya Bayrampaşa zî naskerdişê projeyî bi 12 kesê ke hepisxane de merdbî, kerd. Komele û sazîyê sîvîl seba îptalkerişê proje serpirodayişê mehkeme kerdî.
NAVENDÊ XEBERAN