Înşaata Merkeza Hetkarîya Hevra qedîya. Bon 3 qatan ra pêk ameyo. Zereyê ci de; hetkarîya psîkolojî, pêvînayişê şexsî, odeyê perwerdehîya psîkolojîya komkî, atolyê resim, huner û qadêy sporî ca genêy. Akerdişî ra hevşaredar Gulten Kişanak, Mayêy Aştî, namzedê HDPî ra Îmam Taşçi, hevşaredarêy qezayan, Yebîyayeya Platforma Têkoşîna Girêdayeyê Madeyî yê Amedî û sazî û dezgeyê sivîl beşdar bîy.
Pankarta ‘Siba nê na gam! Semedo cuyayişeke newe, girêdayişê bi madeyî ra nê.’ Firad Duzgun ke koordînatorîya Merkeza Hetkarîya Hevra qiseyê akerdişî kerd û vat: “5 aşman verî no proje bi destê Şaredarîya Gird a Amedî dest pê kerd. Faalîyetê ma bin banê ‘Narkotîkêy Bênameyê Azadîya Amedî’ de dewam kenêy.”
Pey de bi nameyê Palatforma Têkoşîna Tiryakî Mustafa Arik qise kerd û xebatêy ke kerdêy ser de vindert.
‘Heme kes ger kar bikero’
Kişanak zî qisey xo de ard ziwanke, 10 aşmêy ke xebatêy ney karî dewam kenêy û ewro bi encam bîyo û hewna newe xebat gird dest pê keno û vat: “No kareke zaf giran o. Lazimo ke civat pîya destê xo bidero destê jûbînan û ney karî holîra wedaro. Lazimo ke bi serkeşaya sazî û dezgeyê ma heme kes penceraya xo ra kareke bikero. Heta ney gamî bi 10 hezar û 300 kesan de pêvînayiş ameyo viraştiş. Heta ke ma ra ame ma lez bi dest eşt ney karî. Problem hintayê gird nêbîyo. Eke ma heme pîya bixebityê se do hal bibo. Ez bawera ke demeke zaf kilmî de do encamêy weş bigerêy destê xo.”
‘Tîya mekanê şima yo’
Kişanakî veng da ciwanan û doman ke tîya cayê înan o û vat: “Tîya mekanê şima û keyê şima yo. Şima do tîya embazî, dostî û pîya kar bikerêy. Eke şima tîya bixebityê se do serketiş bibo. Tîya cayeke merkeza kesêy tîryakêşan nîyo. Hevra cayê dostan, hetkarî û ombazîyî ya. Nameyê ci zî Hevra ya, yanê pîyabîyiş o. Problemêy şima ke estêy şima şikyenêy bîyarê tîya û çareser bikerêy ra têkoşîneke pîya biderêy. Bey mebestî ra tîya cayê şima yo.”
AMED