Pêroyina Dinya de nêzdî 800 hezar kesê Vîrûsê Koronayî ra kewtê, seba îcadê derzîya Vîrûsê Koronayî bi seyan doktor û pisporê xebityenê la hetanî nika çareserîyêk nêame dîyîş. Hetanî nika ame tesbîtkerdiş ke 40 hezar kesê no vîrûsî ra cuya xo dayê la esil hûmara kesê ke no vîrûsî ra kewtê dîyar nîya, çimkî zaf kesê semptomê nê vîrûsî nîşan nêdanê û bi weşîye vîyarenê. Seba ke tedbîrê cidî nînê girewtiş, vilabîyayişê Vîrûsê Koronayî Tirkîya de lez vila beno.
Babete ser o Serekê Şaredarîya Girde ya Stenbolî Ekrem Îmamogluyî derheqê virusê Korona de aşkera da û wina vat: “Tirkîya de Merkezê janê Koronayî Stenbol. Merkezê nêweşî û merdişan çi heyfo ke Stenbol o. Qasê se ra 60 merdişî û nêweşî Stenbol de estê.” Ekrem Îmamoglu semedê Stenbolî Hukimatî ra qedexeyê vejyayîşê teberî wazeno vano, na serferberîyêka gird a. Stenbol de gere ca de qedexeyê tebervejyayîşî bêro îlankerdiş. AMED