Bajaranê Kurdistanî ra yê ke tewr zaf raştê polîtîkayê operasyonê leşkerî û veşnayîşê dewan ameyo ra yewe zî bajar û dewê Dêrsimî yî. Nê dewan ra yewe zî dewa Merxo ya.
Dewa Merxo girêdayeyê merkezê Dêrsimî ya û serra 1992î de ameybî tol(veng)kerdiş. Na dewe badê ke qedexeyî wedarîya bîy, bi 4 keyeyan newe ra ganî bîbî. Dewa Merxo 22 serran ra dima reyna ameye vengkerdiş. Operasyonê leşkerî ke 2 serranê peyênan de zêdîyayî ver 2 keyeyî dewe ra vejîyayî û bajar de bica bîyî. Tewr peynî 5 rojî verê operasyonêk ame viraştiş û dewe hetê wesayîtanê bêmerdiman ra ameye bombekerdiş. Dima ra leşkeran eştî dewe ser û kesê bi nameyê Huseyîn Guray, lajê ci Cîhangîr Guray û Ergun Tugalî tepiştî. Dima ra cinîya Cîhangîrî zî dewe ra vejîyayî û dewe de ti kes nêmend.
Çîyêk nêgirewtî
2 keyeyê ke ameyî vengkerdiş de pacayî akerde ameyî verdayîş û cilê ke seba ziwabîyayîşî ameybî rakerdiş, nêameyî arêkerdiş. Babete ser o Mehmet Gurayo ke merdimê Gurayî yo, wina va: “Ma ti xebere datîzayê xo Huseyîn Guray û lajê ci ra nêgênî. Verê cû zî dewa înan ameybî veşnayîş û reya dîyin a ke dewa înan raştê zulmî yena.”Mehmet seba ewnîyayîşê heywanan yeno dewe û dewe de bêxera kerg û bizan, ti gandar çin o.
DÎHABER/DERSIM