Qezaya Riha Sêwereg de Ofîsê Mahsûlê Erdî amey giroten. Bi nayî welatijê ke karê reşberî û cotkarî kenê mexdûr benê. Parlamenter Îbrahîm Ayhan’î na babed Wezîrê Cotkarî û Ajaldarî Farûk Çelîk’î rê pers kerd.
Verniyaz persî de Ayhan’î wina va:
Goreyê xeberê ke çapemenî de ca gênê Ofîsê Mahsûlê Erdî (TMO) û pêrokîn depoyê ke ser 20 dolim hêgayan de roniyayê bi 7 mîlyon TL rotiyayê Şaredariya Sêwereg. Qezaya ke wayîrê 300 hezar nufûsî ya de çimeyê debarî cotkarî, reşberî û wayirkerdişê heywanan o. Qeza de 10 hezar reşberê bi qeyit estê. Girotişê TMO’yan reşberan keno mexdûr.
Goreyê nay;
1. Îdiayê rotişê cayê TMO û depo yê Sêwereg raştişê? Eke raştbê, sebebê rotişî çiçîyo?
2. Bi girotişê TMO’yî qandê verîgirotişê mexdûriyetan tedbîrî ameyê girotiş? Eke ameyê girotiş, nê tedbîrî çiçîyê?
3. Bi girotişê TMO’yî citkarî terkê însafê bazirganan nêbenê?
4. Qandê ke Sêwereg de TMO yê newî bîrê akerdiş gureyînê şima estê? Eke estê se, nê gureyînî kamcî merhale de yê, çiwext qedîyenê.
5. Eke TMO yê newî yenê viraştiş, veriya ke yê newî biqediyê, çima yê kehanî bi lez amey rotiş.
ENQERA