Yardimkarê Hemserokanê Pêroyî yê HDP û Parlementerê Wan Nadîr Yildirimî vist vîrî ke rîwalo ke AKP goş nêda Rayverê Şarê Kurd Abdullah Ocalanî nika kewta krîzî û ameya merhaleyê rijnayişî. Yildirimî da zonayen ke şarê Kurd her wextî ra vêşêr quwetir a û do serbikewo.
Yildirimî diyar kerd ke hinî AKP meşrûîyetê xo sûkanê kurdan de vindî kerdo. Nadîr Yildirimî aşkere kerd ke bê ke ê milê xo çewt bikerê, iyê dê dûştê faşîzmî de xeta têkoşînî berz bikerê û xo rêxistin bikerê.
Yardimkarê Hemserokanê Pêroyî yê HDP Nadîr Yildirimî ard ziwan ke AKP kewta pêvajoyê şîyayişê veracêrî û va: “AKP ya ke zey modela emperyalîstan 2002 de amê ser îxtidar, cayo ke welatî krîz ra vejero, hona vêşêr berz mîyanê krîzî.”
Dişmenîya Kurdan
Yildirimî da zonayen ke Tirkîye de roj bi roj krîz hona vêşêr xorîn beno û va dişmenîya vera Kurdan zî bena vêşêr. Yildirimî hayr ant îqazanê Ocalanî ser û qiseyanê xo wina domna: “Birêz Ocalanî 2013 de hikûmet aya kerd û ard ziwan ke eke Tirkîye de vûrnayişê sîstem nêbo, do netîceyê Tirkîye zî bibo zey Iraq û Sûrîye. Çi heyf ke nê îqaz û projeyê Birêz Ocalanî raşt nêamey wendiş.” Yildirimî vist vîrî ke îxtidara AKP her tim waşt ke sîyaseta Kurd çinî bikero û bifetisno.
Waştî omid bişikînê
Yildirimî hayr ant rehîngirotişê Hemserokanê HDP Fîgen Yuksekdag, Selahattin Demirtaş, sîyasetmedarê Kurd Ahmet Turk û yê bînan ser û wina va: “No netîceyê şerê taybet û psîkolojîk o. Bawezê bawerî û omidî bişikînê Dûştê Ahmet Turkî ke zey sembolê sîyaset û haştî yo hêriş viraştî. Wazenê îradeyê sîyasî yê qomî bişikînê.”
Nadîr Yildirimî vist vîrî ke Meşrûîyetê AKP Kurdistan de nêmendo û rîwalê polîtîkayanê xo AKP veracêrî û welişyayişî şina û aşkere kerd ke pêrokîn wekîl û îdarekarê AKP Kurdistan de bi wesayîtanê zirxî geyrenê. Yildirimî dîyar kerd ke xeynê qereqolan estbîyayişê AKP Kurdistan de çîno û AKP hinî nêşkena Kurdistanî îdare bikero.
Şarê Kurd do qederê xo dîyar bikero
Yardimkarê Hemserokanê Pêroyî yê HDP Nadîr Yildirimî vist vîrî ke şarê Kurd hinî do na seserr de qederê xo tayîn bikero û va, no hetî de ê wayîrê bawerî û omidî yê. Yildirimî aşkere kerd ke talokeyan ra pîya firsetê girdî zî estê û bi nê vatenan qiseyê xo qedêna: “Erdogan û AKP wazenê cepheyekê faşîst ronê. Ma dê dûştê na cephe de xo rêxistin bikerê û serbikewê. Zey HDP aşkere kenê ke şarê Kurd do na seserrî de ameyişê xo dîyar bikero, xo birêxistin û quwetir bikero.
DÎHABER / WAN