Serşewirmendê Erdoganî Şeref Malkoç zî aşkere kerd ke wa verê destê xo çekgirewtişê sivîlan bêro akerdiş û peynîya na aşkera zî kûçe û meydanan de hûmara faşîstan zêdîya. Çi balo ke çeteyê DAIŞ û AKP cayê mudaxaleyê derbekaran, sûkanê Tirkîye û tay sûkanê Kurdistanî de hêrişê taxanê kurd û alewî cuyenî ra kerdî. Dûştê nê hêrişê çeteyan, kurd û alewî pergalê xo yê xopawitişî awan kerdî. Serokwekîlê Koma HDP Îdrîs Balukenî derheqê polîtîkayanê şerî topyekun ê 24ê Temmuz û tesîrê ci yê ewro ser o qisey kerdî.
Israrê herbî bi sebebê derbe
Balukenî aşkere kerd ke konseptê şerî yê 24ê Temmuz 2015î de kewt dewre û wina vat: “Eke no konseptê şerî nêameybî destpa kerdiş, ser bingeya demokratîkbîyayîşî problemê kurd biameynî çareserkerdiş, na ravêreyeyêk bi no rengî ya derbe rayîr nêdaynî. Derbeya Qesre ya peynîya 7ê hezîrane û konseptê şerî yê 20ê Temmuze bi ca ame ardiş, şaristanê kurdan de verê rijnayîşêko gird akerdî û waştî erdvînaya Kurdistanî talan bikerî û bêmerdim verabidî. Zaf merdiman cuya xo dest dayî û zaf mal têk şîyî. Tena kûrkerdişê nêçarereserî û tesfîyekerdişê serokwezîrêkî, bi kêrî tiştêkî nêame. Israrî na polîtîka bî semed ke 15ê Temmuz de derbeya biryargehî bêro kerdiş. Serrêk peynî 24ê Temmuz pêroyîya Tirkîye de rewşê îstîsnayî ame îlankerdiş.”
Waştî tesfîye bikerê
Baluken destnîşan kerd ke polîtkayê şerî, dewletêke yewbînan cîyabîyayîş daya verê şarê Tirkîya û wina dewam kerd: “Ê vatî; ‘Ma do mîyanê çend aşman de na mesele çareser bikerî’ ameyoxêko tarî yo bi ters û fikar ronayî verê komelê Tirkîya. Na yew demêko nêzd de zaf bêro nîqaşkerdiş.” Baluken bal ant bi ters û fikarê weşî û ewlehîya Rayberê Şarê Kurd Abdullah Ocalanî ser o û vat ke Ocalan seba şarê kurd, hêzê aştî û demokrasî wayîrê roj û mîsyonêko dîrokî yo.
ALÎ BARIŞ KURT/ANF/BRUKSEL