Hemserokîna Konseya Rayverîn ê KCK derheqê komkiştena Dîlok de damûsnayin da, malbatê şehîdan ra pîya heme Kurdistanijan rê serweşîn û dirbetinan rê jî şîfa wast. KCK qetlîam ra hikumeta AKP bi mesûl girot û va: “Yê ke Suriye de DAIŞ kerd warî û gird, AKP yo. Yê ke Dîlok de çimê xo xebatanê DAIŞ rê girot zî, AKP yo.“ KCK ard ziwan ke hikumeta AKP bi raya DAIŞ waşto tesîrê siyaseta Suriye bikero û Şoreşê Rojawa tesfîye bikiro û wina va: “AKP bi destegkerdişê DAIŞ, tenîya Suriye nêaçarna gola gonîn. Bi raya DAIŞ Awrupa, Tirkîye û Kurdistanî de komkiştenê girdî viraştî. Eke rojekê kesê desteg danê DAIŞ bêrê mehkemekerdin, tewr corê lîsteyî de AKP û dewleta tirk dê ca bigîrê.”
AKP hesabdayiş ra nêxelesîna
KCK eleqe ant hesabanê leymin ê AKP ser û wina vat: “Tirkiye rojanê peynî de plan kena, behane bivîno ke mudaxaleyê Bakurê Suriye û Şoreşê Rojawa bikero. Qandê ena wasten bi raya MÎT û destê DAIŞ komkiştena Dîlok viraşt. Bi ena komkiştena hem kurdî kerdî qurban û hem jî wazena qandê ronayişê mintiqayê tampon ê Suriye de, tesîr quwetanê maben netewî bikiro.” KCK dazanayin ke AKP û dewleta tirk se kena wa bikiro, nêşena xo hesab-dayiş ra bixelisino û vat: “Hetanî dişmenînê Rojawa bikero, ti qîmetê vatenanê ci çinîyo. Cok ra ma veng danê AKP û dewleta tirk ke, peynîyê dişmenîya Şoreşê Rojawa û kurdan bîyaro. Qandê çareserînê meseleya kurd gamanê hewce bierzo.Quwetanê demokrasî ra zî wazenê, qandê çareserîn vengê xo berz bikirê û AKP mecbûrê gam-eştin bikerê.”
ANF/BEHDÎNAN