Vizêr 4 cinîyê sivilî ameyî qetilkerdene, Mexmûr de şar bi slogananê ‘‘Erdogano kiştox‘‘î cayê merasîma cenaze de ame pêser.
Dewleta tirkî perê kampa Şehîd Rustem Cûdîyî ya Mexmûrî ke binê pawitişê Neteweyê Yewbîyayeyî de ya bombardûman kerd. Netîceyê bombardûmanî de 4 sivîlî şehîd bîyî. Vizêr 4 cinîyê sivilî ameyî qetilkerdene, Mexmûr de şar bi slogananê ‘‘Erdogano kiştox‘‘î cayê merasîma cenaze de ame pêser.
Heman keyeyî ra maye
Goreyê eşkerayîya Meclîsê Şarî yê Mexmûrî yê ke vizêr hêrişê Mexmûrî yê dewleta tirkî de şehîd bîyî, înan ra hîrê tenî heman keyeyî ra maye, kêna û torna ci yê. Goreyê eşkerayîya Meclîsê Şarî yê Mexmûrî yê ke herîşê dewleta tirkî de şehîd bîyî nameyê înan wîna yê: Asya Alî Muhamede ya 73 serrî, kênaya ci Naînç Ferman Qasime ya 26 serrî û torna ci Evîn Kawa Mahmude ya 14 serrî û Eylem Muhammed Emere ya 23 serrî.
Erdogano kiştox
Şarê Mexmûrî vizêr saetanê rewî ê serê sibayî de meydanê dewe de ame pêser.Bi hezaran kesî ke Seba mersîma cenaze ya Asya Alî Muhamede ya 73 serrî, kênaya ci Naînç Ferman Qasime ya 26 serrî û torna ci Evîn Kawa Mahmude ya 14 serrî û Eylem Muhammed Emere ya 23 serrî cayê merasîmî de ameyî têhet seba protestokeridşê qirkeridişî ver bi Neteweyê Yewbîyayeyî (NY) rayraşîyayîşêk viraşt.
Sereka Meclîsê Şarî yê Mexmûrî Fîlîz Budake eşkerayîye verê banê Neteweyê Yewbîyayeyî de qisey kerd. Budake vist vîrî ke kampa Mexmûrî binê kontrolê Neteweyê Yewbîyayeyî de ya û rixmê nayê ci rê heriş bîyo û vat ke NY no qirkerdişî rê bêvengo, çîyo wînayên nîno qebûlkerdene.
Eşkerayîye ra dima şar bi slogananê ‘‘Erdogano kiştox‘‘î verê xo da cayê merasîma cenaze.
MEXMÛR