Mezelê ya do bi Munzur bêro şutiş

Waya Gulhanî Sonay derheqê cuyeyê ya de vat: “Gulhan waştê ke şêro Dêrsim, labelê nêbi. Nika ma awa Munzurî ke Gulhan ti ra zaf heskerdênê, anî ya rê. Ma do mezelê ya bi awa Munzurî aw bidî.”

Gulhan zaf hîsker bî

Sonay dergeyîya qalîkerdişê xo de ard ziwan ke Gulhan merdima ke zaf hîsker bî û wina verdewam kerd: “Min tewr peynî bi telefon ya reyde qalîkerd. Roje ke bişînê mîtîng, keye de bî. Min ra vat; ‘Şima zî nînî?’ Min zî vat; ‘Nê, ma nînî’. Dima zî min ya ra vat; ‘Enqere de hewa zaf serdo, no semedî ra cilanê qalindan xora bidi.’ Ya vat; ‘Tîya zaf germin o.’ Min zî vat; ‘Xora şima heta şan tîya de yî, ma zî arayîya xo kenî û yenî hetê şima.’ Dima ma telefonî girewt. Labelê wexto ke ma xeberan ra ewnîyaye, ma dîy ke saet 10.00’î de teqyayîş bîyo. Ma wexto ke telefon akerd, çewî nêakerd. Nêweşxane û heme cayî ma gêray, labelê ma nêdî. Bade ke ma embazê ya vernîya nêweşxaneye dî, ma fam kerd.

Zaf heskerdênê

Sonay qalîkerdişê xo de bal ant ser vînîkerdişê cuyeyê waya xo û wina peynî kerd: “Gulhan semedê ke domanîya xo de mezgê ya de aw kom bîbî, sereyê ya de parçeyekî estbi. Wexto ke teqyayîş beno zî ti cayê laşê Gulhanî zirar nêvîneno, labelê semedê ke bandorê teqyayîşî mezgê ya şidêneno, no semedî ra cuyeyê xo vînî kena. Waya min Dêrsimî ra zaf heskerdênê. Zaf waştênê ke şêro Dêrsimî. Nika ma ya benî Dêrsimî û mezelê ya bi awa Munzurî aw danî.”

DUYGU EROL/JINHA/ENQERE