Welatijan hêrs û nêrazîbîyenê xo verr hewldayenê qirkerden damûsnay. Bismîl de azayê DBP ke banê partî de ameyî pêser û wahar hemserokanê xo Gurbet Yalçinkaya û Habîp Akinci, ê ke gerîyay binçim, vecîyay. Eşkerakerdiş de operasyonê qirkerdenê sîyasî şermezar bî û vacîya ke pê nînan kes nêşkeno teba bifîno dest. Eşkerakerdiş de ardîya zûne ke tekoşînê şar do nê kayanê leyminî (qilêrîn) pûç vej.
Vera dîktatorî tekoşîn keme
Çewlîg de zî bi rayverîyê teşkîlatanê HDP û DBP de oparasyonê qirkerdenê sîyasî protesto bî. Îdarekaranê HDP-DBP ra pîya xelyek welatijî ver Pasajê Şarî de ameyî pêhet. Eşkerakerdiş hetê Hemseroka HDP ê Çewlîg Zerrîn Berdîbek ra dîya. Berdîbek arde zûn ke pê qetlîam, vengkerdişê dewan û operasyonanê qirkerdenê wazîyeno ke şarê kurd biterso. La zaf xeletiyene pê nayî ço (kes) nêşkeno ters-xof zerre ma bikere. Berdîbek dazûnayene ke ê vera herîşan benî yew, wahar ûnbazanê xo vecîyene û tekoşîn rê dewam kene û hina vat: “Ma soz da şarê xo, ma milê xo çot nêkerd û nêkenê. Wa pêroyê hol bizane ke vera dîktatoriyê tekoşînê ma hetûn serkewtiş rameno.
AMED / ÇEWLIG