Meclîsê Lejkerî yê Minbic îdareyê sûk dewrê Meclîsê Şarê sûk kerd. Fermandarê Meclîsê Lejkerî Ebû Emced damûstayîn da û aşkere kerd ke zerreyê Minbic çeteyan ra ame xelesnayen û veng da şarê ke sûk ra goçkerdî peyser ageyrê. Ebû Emcedî da zonayen ke înan îdareyê sûk dewrê Meclîsê Şar yê Minbic kerd o. Ebû Emcedî aşkere kerd ke hona rojawayê Minbic de tayî dewî bin îşgalê DAIŞ de yê, nayî ra hemleya xelesnayiş ramena.
Bîlançoyê 75 rojan
Ebû Emcedî bîlançoyê 75 rojanê Operasyonê Xelesnayişê Minbic zî aşkere kerd. Goreyê Bîlançoyî 4180 çete amey kişten, cenazeyê 1724an destê quwetanê Meclîsî de yê. Herzewbîn 112 çeteyî hesîr kewtê destê Meclîsî. Goreyê damûstayîn 144 tifingê herb yê zey wesayîtê doçka, hewan, topê katyoşa û wesayîtê zirxî kewtê quwetanê Meclîsê Lejkerî. Herzewbîn 75 rojan de 264 lejwanê Meclîsê Lejkerî yê Minbic weşîya xo kerdî vinî.
Damûstayîn de cenîya Faysal Ebû Leyla Dîcle Ehmed zî qisey kerd û aşkere kerd ke a merdeyê xo ra serberz a û seba xelesnayişê Minbic alwozanê Ebû Leyla ra bi mînet ê.
ANHA/MINBIC