Minbic a ke 2014î ra na het bin îşgalê çeteyanê DAIŞ de bî û bi hemleya Meclîsa Lejkerî yê Minbic ra amê xelesnayen nika bi êrişanê dewleta Tirk ra rî bi rî ya.
Welatijan ra Ebû Ehmed ano zon ke çeteyan ra xelesnayişê Minbic ra dima ameyê xoser. Ebû Ehmed aşkere keno ke iyê bi ramitişê citî weşîya îdare kenê û vano, ‘rîwalê îşgalî çeteyan înan roze giranî vernayî. Çike çeteyan her çiyê şarî talan kerdî.’
DAIŞ ra dima Tirkîye hêriş kena
Ebû Ehmedî vist vîrî ke çeteyan dest nayî pêro çiyê şarî ser û hayr ant hêrişanê dewleta Tirkîye ser: “Çeteyê DAIŞ naca ra ameyî pakkerdene. Na reye zî dewleta Tirk û çeteyê ci dest kerdê herîşanê îşgalî verra sûka ma. Bi teyareyan û topan sîvîlan hedef cenê. Onca meterîsê Qûwetanê Meclîsa Eskerî yê Minbic bombe kenê. Verra herîşanê dewleta Tirk yê şarê ma û lejvananê ma ser hersê xo amê zon. Meclîsa Eskerî yê Minbic de domanî ma estê. Sûka ma pawenî. Ma kî lewe domananê xo de ca cemê.
Cenîya bi nameyê Fatîma Ehmed a 70 serrî zî aşkere kena ke mavêna çeteyanê DAIŞ û dewleta Tirk de qeyta ferq çîno û vana, ‘destê dewleta Tirk de gonîya şarê Minbic esta. Nî şarê Surîye ra hasnêkene, dizdene ra haskene. Her ca de çeyanê ma talan kerdî.’
Wazenê îşgal bikerê
Welatijan ra Ebû Xalîq zî ano zon ke ê newazenê reyna peyser ageyrê rojanê tarî û vano, ‘teyna jû wastena ma esta, azad bivîme. Naca de Ereb, Kurdî, Çerkezî, Tirkmenî piya weşiye bikerime.’ Welatijê Minbic û dormê ci vane: “Teyna jû armanca dewleta Tirk û çeteyanê ci esta, tolkerdişê nê cayay û îşgalê ci yo. Hehta nika ma hardê xo canêverda, nika ra dima zî canêverdanê. Serva nayê destê ma ra çi bîro, ma dê eyî bikerê.
Dewleta Tirk sivîlan hedef gêna
Vera hêrişanê dewleta Tirk jû nêrazîbîyayiş zî koçberanê herêma Babî ra amê. Koçberan aşkere kerdî ke artêşa Tirk hêrişî heremanê sivîlan kena û nezdîye heremanê çeteyanê DAIŞ nêbena û va, ‘bi nê hêrişan dewleta Tirk wazena hardê ma îşgal bikero.
ANHA / MINBIC