Servîsê asayîşî û îstîxbaratî yê dewleta Tirkî seba ke sîyasetmedar, îdarekarê partîyan û xebatkaranê Tevgerê Sîyasî yê Kurdan bişopnê, metodanê neweyan şuxulneno. Na reye bi cîhazêk ke qaso ke bikewo zereyê destê merdiman qijkek o û ca tespît keno, sîyasetmedar û welatperwerê Kurdî ameyî şopnayene.
Yeno vatene ke no cîhaz zafane peyê wesayîtan de bi rayîrê miqnetîsî yeno pawakerdene. Bi saya nê cîhazî ke tede kartêko qijkek ê qeydkerdişî û GPS (Sîstemê cayî yê globalî) esto, yeno tespîtkerdene ke ê kesî kura de yê, key kamcîn rayîrî ra ravêrtê. Goreyê hayîyan, xusûsen sîyasetmedarê ke wextê dergî zereyê sîyasetê Kurdî de ca girewto û yê ke newe tewrê ci bîyê bi rayîrê nê cîhazî ameyê şopnayene.
ANF / AMED