Weçînayîşê 24ê Hezîrane rê yew aşme ra hîna tay wext mendo û bi nizdîbîyayîşê weçînayîşî mîtînge, kombîyayîş û sewbîna xebatê bînî zî vilayê her cayî benî. HDPyî lez dayo xebatanê xo yê weçînayîşî. Na çarçewa de mîtînga sifteyîne do 26ê Gulane de saete 13.00 de Rasteyê Neumarktî de bêro viraştiş. Babete ser o îzehetêk ame dayîş û wina ame vatiş: “Tirkîya 16 serrî yo ke bi dîktatorî yena îdarekerdiş. Ganî ma heme cayan de rayanê zêde bikerî û bi hawayo bihêz beşdarê mîtînga 26ê Gulane bibî.” ANF/KOLN