Bajarê Wanî de serra 2011 de 2 erdlerzê girdî bîybî û netîceyê erdlerzî de şar xeylê zirar dîbî. Nê cayê ke erdlerzî ver zirar dîybî ra yewe zî Muzeya Wanî bîye. Nizdîyê 50 hezar eserê tarîxî taxrîb bîyî û muze seba rizîyayîşî ameye verdayîş. Seba ke muze zirar dîye, nizdîyê Qeleya Wanî de bingeyê Muzeya Urartu ya Wanî ameye eştiş. Bingeyê muze serra 2012î de ame eştiş û ganî 2013 de biameyêne qedênayîş. Labelê herçiqas ke 6 serrî serrî derbaz bîyî, reyna zî hîna zî muze nêabîye. Heta nika 20 mîlyon TLyî ra zêdeyêr pere ame xerckerdiş. Muzeya ke hîna nêameya akerdiş, nika ra dêsê ci yê teberî rizîyayo. Serekê Komeleya Pawitişê Eseranê Tarîxî û Dormeyî yê Wanî (ÇEV-DER) Alî Kalçikî va ‘ti eleqeyê Muze tarîxê Urartu û Wanî reyde çin o. 6 serrî yo ke nêqedîyaye. Hende pere xerc kerdî, labelê muze muzebîyayîşî ra vetî. Bi hawayo aşkere rizîyayîşî reyde têrî verdayî.”
ANF/WAN