Dewleta tirkî ya dagîrkere 11ê Hezîrane de vera Başûrê Kurdistanî de hêrişê dagîrkerîye daye dest pêkerdene. No hêrişêko newe nêbi; çimkî demêko derg bi vera têkoşînê azadîye yê Kurdistanî de her tewir hêrişî kerdî. Kurdî vera hêrişan de bi her hawayî xover danî. Dewleta tirkî tena hêrişê têkoşînê azadîya Kurdistanî nêkena, cografyaya Kurdistanî zî talan kena. Erdogan seba îqtîdarê xo cinî, doman, extîyar nêvano heme hetan hedef gêno. Solîna şenike ke 2010 de bi keyeyê xo reyde netîceyê bombevarnayîşî de ameye qetil kerdene, nimuneya tewr şenike ya. Dewleta tirkî her serre bi hawayo sîstematîk her serre cografyaya Kurdistanî veşnena. Çend rojî verê dormeyê Kortekî de daristanî dîya adirî ver. No daristan de bi hezaran darî bîyî wele. Şewat di rojî dewam kerd û qama Solîne zî tede wareko hîra veşa. Netîceyê şewatî de xeylê heywanî merdî. Heywanê ke şewatî ra xelisîyayî, biînad cuyenî. ANF/QENDÎL