Tûncel vist vîrî ke AKP çîyo ke bi weçîntayinan nêşa bigîro dest, nika bi derbe wazena bigîro. AKP her ca de hêrişê serkewtişanê şarê kurd kena û veng da şarê kurd ke wayîrê îradeyê xo bivejyê.
Sebahat Tuncel ke binçimgirewtişê Hemşaredaran ra dima damûstayîn da vist vîrî ke şaredarî hetê quwetanê dewlet girotîyaya bin eblûqa. Tûncel da zonayen ke ê xerîbê nayî nîyê, enê polîtîkayê herbî yê AKP yê û aşkere kerd ke AKP çîyo ke bi weçîntayişî nêşa bigîro, hewl dana ke bi derbeyan bigîro.
Tuncel vist vîrî ke şarê Kurd qe jew wext verê zilmî mile xo çewt nêkerd û waşt ke na qor zî şarê kurd damûsno ke kes nêşkeno hêrîşê îradeyê înan bikero.
Hemseroka peroyê yê DBP Sebahat Tuncel vist vîrî ke endî maneyê beyanat û eşkerakerdişan nêmendo û va wext wextê serewedartişî yo.
Ma dê bîat nêkerê
Tuncel da zonayen ke Gulten Kişanak wextê faşîzmê 12ê Îlone de çok nêda ro û ewro zî siyaset kena û wina va: “Kişanak wexto ke cipersyayişê derbe kerd, bî mexdûra derbe. Kişanak û Anli xîzmetkerdişê şarî ra teber teba nêkerdî. Şexs dê Kişanak û Anli de şarî ceza kenê.” Tuncel va, ma zey DBP bedelê ci çi beno wa bibo, na derbe qebûl nêkenê û ma dê qebûl nêkerê zî, ma dê bîat nêkerê.
Tuncel şarê Kurd û quwetanê demoktratîk ra waşte ke her ca de vecî meydanan û vera derbeyê AKP tekoşîn bikerî. Tuncel vat faşîzmê AKP nêşkena vera tekoşînê serbestiyê Kurd de vindero, peyniya tewr peynî de şarê Kurd qezenc keno.
DÎHA / AMED