Parlamenterê CHPyî yê Antalya Nîyazî Nefî Kara çend rojî ver peşnîyazêk ardbî Meclîs. Goreyê pêşnîyaze cinîya ke sîgortaya aye çinêba zî, 25 serrî zewecnaye bimana, eşkena teqawit biba.
Babete ser o Parlementera HDPyî Fîlîz Kerestecîogluye û Pervîn Buldane qisey kerdî.
Kerestecîogluye qiseykerdişê xo de bale ante pêşnîyaza bedilnayîşê qanûnî ser û wina va: “Ma her wext piştî da teqawitbîyayîşê cinîya ke keye de xebetîyenî. Keda ke keye de yena dayîş çinî yena hesibnayîş û keda cinîyan nîna dîyayîş. Teqawitbîyayîşê cinîyan de şertê 25 serrî zewecnaye mendiş nîno qebulkerdiş. Teqawitbîyayîşê cinîyan girêdayeyê mêrde, pî û birayan nîyo. Şertê 25 serrî zewacî yeno manaya şîddet û mehkumbîyayîşê cinîyan. Na peşnîyazêka şaş a.”
Cinîyan mehkumê mêrdeyan kenî
Buldane zî derheqê pêşnîyaza bedilnayîşan de wina va: “Pêşnîyazêka şaş a. Şerto ke ameyî pêşnîyazkerdiş, cinîyan mehkumê mêrdeyan kenî. La ma teqawitbîyayîşê cinîyan pawenî.”
ŞÛJIN/AMED