Bi Şorişa Rojawan yewîtîyê Yewîneyê Pawiyayişê Şar (YPG) û Yewîneyê Pawiyayişê Cenîyan (YPJ) xo saz kerdî û peynî zî verba çeteyê DAIŞî têkoşînake bêhempa day û bi na têkoşîna xo zî di dinyaye de elaqayê gird vînayî. Heme rojdemê dinyaye ra yewîtîyê YPG/YPJ ronişt, bi na têkoşîna xo zî YPG/YPJ pirtûk, kovar, helbest û deyran ra bîyê babet û bi na taybetî ya xo zî dîrok ra vîyartî.Nika malbatê kurd, domanê xo ra nameyê YPJ, Kobanê û Şengal danî. Tewr peynî malbata Zeynep û Mehmed domanê xo ra nameyê YPG dayî.
Ma wazenî ra layiq bibî
Zeynep Mîhemed dîyar kerd ke hêzê YPG/YPJ seba rûmeta merdimatî têkoşîn danî û peynîya xoverodayişê bêhempa malbatê kurd domanê xo ra nameyê YPG/YPJ dayî û wina vat: “Ma dema ke Kobanê ra Pirsûse ame seba ke cayê ma çinêbî, no ser ma nêçare kampa AFADe ra ma xo ra ca dayî. Dema ke ma amey noca 4 domanê min estbî û ez digan bîya. Verê nêameyişê domanê min, min biryar dabî eke kêna bibo do nameyê a YPJ birona, eke lajêk bibo do nameyê ey YPG birona.”Mîhemed Elî zî aşkera kerd ke hêzê YPG/YPJ bi paradîgamayê Rayverê Şarê Kurd Abdullah Ocalanî xo bi xo rayvist kerdî la di na têkoşîne de ê zaf şehîd dayî û wina dewam kerd: “Ez bawera domanê ma YPG, şehîd û Rayverê xo ra layiq yew merdim bibo.”
ANF/RIHA