Dema gêrayişê dewan ra namzedê HDP a Amedî Edîp Berk, hemşaredarê Rezanî Eşref Guler û Bîrsen Kaya Akat, hemserekê HDP a Rezanî, hemserekê DBP a Rezanî û profesor Dr. Ahmet Şêxo beşdar bîyê.
Di warê dewî de namzed, şaredar û rayedarê HDPî şar bi coş û heycanê pêşwaz kerdî û kêfweşî xo de zî seba namzedê xo gowend girewtî.
Heskerdişê şaran
Di dema zîyaretkerdişî de namzedê HDP a Amedî Edîp Berk qise kerd. Berk vat ke dijî polîtîkayê AKP ê înkar û îmhayê nê rojan bi têkoşînan de amey, çi heyfo ke hema zî polîtîkayê AKP ê înkar û îmhayê domyenî, tena yew polîtîkayê AKP est o, o zî înkar û îmhakerdişî şarê kurd o û ê tena Kurdistan nê do Tirkîyayî zî azad bikerî û di mîyanê şaran de heskerdişê do înşa bikerî.
Profesor Ahmet Şêxo zî welatijan ra qise kerd û dîyar kerd ke o şaristanê qehremanan ra silom ardo û wina dewam kerd: “Ma di Kobanê de no musayî, eke yew komele têkoşîn nêdo se, do na komele çin bibo. Ma Rayver Apoyî ra wina musayî. Di binê serfirazîya Kobanê de keda Kurdistanî est o, ma do esla no xo ra vîr nêkerî. AKP şaran rot. Ma no rotişê şerê Kobanê de vînay. Peynîya serfirazîya Kobanêyî, AKP vejîya, vat ke hetkarîyê ma vîr nêkerî. Ewro zî bi Kuranê Kerîm de wazena kurdan bixapêno.”
AMED