Çiqas şino weçînayîşê 7’ê Hezîranê nêzdî beno. Bi nêzdîbîyayîşê weçînayîş ra coş û kelecan zî zêde beno.
Hetêk bîn ra zî fesadîya AKP zî zêde bena.
AKP û medyayê AKP, giranî ser namzedanê HDP fesadî kenî. Yew name verênî de nusnenê û dima ra vanê hina hina ser înan ameyo xezkerdiş. AKP û medyayê AKP pê na fesadîyê wazenê tayê parlamenteranê HDP, ayê ke reyna nêameyê ramojnayîş înan sûr bikero. AKP, pê na fesadîyê şaş û maş hesaban kena. Vana qey parlamenterê HDP zî zê yê AKP’ê desthilatarî û hukimranî ra heskenî. La ma zanê parlamentarên HDP hina nîyê.
AKP, ewnêna HDP rewna ra bendê weçînayîş derbas kerdo. Vana tenê dest mi de ayê reyna zê namzêd nêameye ramojnayîş, ez bieşkê înan bişuxulnê bena çîyêk bikewro destê mi.
La AKP, se bikero tîya re pê nêeşkena verênîyê HDP bigero. HDP, bend derbaskerdo, zê laserî yena.
Xo ra lîsteya HDP zî zelal bî. Lîsteya HDP de temsîlkarê heme hetanê şaran estî. Temsîlkarê dîndaran, karkeran, çepgeran, bawerîyan, kurdan, ereban, çerkezan, lazan, surayanîyan, armenîyan, kurdê elewîyan, tirkê elewîyan û kurdê êzîdîyana.
Namzedên HDP, semedê desthilatdarî û pere nêbîye parlamenter. Heta û heta zî parlamenter nêmanenî. Hîzmetkarîyê şarê xo kenî û dima ra gureye xo dewre yewe bîn kenî.
Parlamenterê verê cû û namzedê newe zî gore nayê wezîfe xo anî ca.
Zobî zî zanê ke muhîmîyê weçînayîşê 7’ê Hezîrane çîyo. HDP seyî bendê weçînayîş derbasbikero, pê 60 û 70 zêdeyîr parlamenteran bikewro meclîsê, pêrgalê dewlata tirk vila beno.
Rewşên hina vejîyenî werti.
1-Pergalê dewşîrmeyê tirkperêst yê 92 serrî vila bena. Qet yew mane eyê nêmaneno.
2-Destura bingeyîn ya dewleta tirk yê 1982 bê mane bena.
3-Kemalîstê tirkperêst yê CHP û kemalîstê kewe yê AKP zî kewnî siloyê tarîxê.
4-Vilabîyayîşê AKP destpêkeno.
5-Weçînayîşêk bîn de qey HDP rayîra hukmatbîyayîş abena.
6-Seba pêronê şaranê Kurdîstan û Anatolîo yew destura bingeyîn a demokratîk yena viraştiş.
7-Verênîyê ciwanan û cinîyan abeno. Ciwan û cinî benî rayberê şarê Kurdîstan û Anatolîa.
8- Kurdîstanêk Azad û azadîya şarê kurd nêzdî beno.
9-Kurdê benî sermîyanê Kurdîstanê.