Damûstayînê NAV-DEM de hayr ancîya terorê hikûmeta AKP yê vera şarê kurd û pîyakarîya dîplomatîk, sîyasî û ekonomîk yê hikûmeta Almanya ser. NAV-DEM vist vîrî ke na îtifaqa hikûmeta Almanya hikûmeta tirk bi DAIŞ ra pîya Şengal, Rojawa û Bakûrê Kurdistan de teşwîqê qirkerdenan kena û cesaret dana.
Îtifaqê qilêrîn
Damûstayîn de vajîya ke no teşwîq bi Kurdistan ra sînor nêmaneno û hina dewam kerd: “Bi êrişanê dewleta tirk ra paralel Almanya de zî 10 ra vêşêr sîyasetmedarê kurd tepêşîyayê, nûmayiş û aktivîteyê kurdan yenê qedexe kerden, gureyînanê îstîxbaratî yê dewleta tirk yê dûştê kurdan rê çimî yenê giroten.”
NAV-DEM hayr ant muhîmîya numayişê 9ê Tîrmehî ser û wina va: “Dûştê na îtifaqa qilêrîn ke dûştê krîteranê Jûbîyena Awrûpa, Makeqanûna Almanya, dûştê hiqûq, demokrasî û azadîyan a de Dusseldorf de 9ê Tîrmeh de nûmayişê protestoyî virazeme.”
NAV-DEM veng da Kurdistanijan, kom û şaranê bînî, şarê Alman, aktivîstanê HDK-Awrûpa, ABDEM, Guçbîrlîgî ke tewrê nûmayiş bibê.
Herzewbîn çapemenî, partîyanê sîyasî, rêxistinanê civaka sivîl, sendîqayî zî silayînê nûmayiş bî.
Peynîyê damûstayîn de NAV-DEM hikûmeta Almanya ra waşt ke nêbo pîyakarê sûcanê qirkerden yê dûştê kurdan, quwetê xo yê ekonomîk, sîyasî û dîplomatîk serva heqanê netewî, demokratîk û azadîyan bişûxlîno.
DUSSELDORF