Pisîşkê Ermen ji aliyê welatiyên Amûdê nehat jibîrkirin. Li ser daxwaza gelê Amûdê Meclisa Tenduristiyê ya bajarê Amûdê, navê  Hirant Kurunfulyan li navenda  Meclisa Tenduristiyê ya bajêr kirin. Bi vê munasebetê merasîmek hate lidar xistin. Di merasîmê de malbata Kurunfulyan, nûnerên rêxistinên siyasî û civakî û bi sedan şêniyên bajar beşdar bûn. Di merasîmê de, Komîteya Têkiliyên Diplomasî ya Desteya Bilind a Kurd, Meclisa Tenduristiyê û Şêx Mihemed zahir, peyamên xwe xwendin û bal kişandin ser ked û xebatên Kurunfulyan.

Endamê Tevgera Civaka Demokratîk (TEV-DEM) Beşîr Mela jî di merasîmê de axivî, Mela diyar kir ku kesayetên mîna Kurunfulyan û Aramê Tîgran bûne nimûneya biratî û jiyana hevbeş û ew hêjayî rêzgirtinê ne. Bi navê malbata Kurunfulyan, hevsera Kurnufulyan, Merarîcan Sîmoniyan axivî. Sîmonyan sipasiya xwe ji  şêniyên Amûdê re kir û got ku Kurunfulyan alîkariya xizanan dikir û jiber dilnizmî û mirovahiya wî, ew li bajarê Amûdê di nava gel de dihate hez kirin.
Navenda Tenuristiyê ya binavê Hirant Kurunfulyan, ji aliyê malbata Kurunfulyan ve hate vekirin.

AMÛDÊ