Nika di pêroyina Tirkîyaye de Seyîd Riza û embazê ey yenî vîrardiş.Hema zî raşteya qirkerdişê Dêrsime nêvejîya meydanî, dewleta tirk çarçiweya feraseta xo nijadperestî waşt di Dêrsime de şarê elewîye mîyanê bihawano û no ser ser şarê Dêrsime qirkerdiş şuxulna. Nika zî dewleta tirk nê polîtîkayê xo leyminî ra fek veranêdayo û bi projeyê HES û bendawan ardvînaya Dêrsime qir kena. Verba nê polîtîkayê qirkerdişî yê dewleta tirk ser pwt. Reyhan Helîn Bulut qise kerd. Bulut aşkera kerd ke qirkerdiş ra nika hema zî şarê kurd, cuyayişê sirgûnî cuyenî, belkî tikey raştkerdişê seba agêrayişî ame kerdiş zî la hema zî dêrsimijan nêeşkenî dewan xo ra biagêrî û wina vat: “Nika Dêrsim binê hêrişê projeyê bendaw û HESan de ya. Hema zî di axê Dêrsime de mayinan est î û azadîya şarê Dêrisme ya raywanî ameya qedexe kerdiş. Taybetê qirkerdişî Dêrsime armancê hêrişê heqê cuyayişê yê şarê Dêrsime bi, no zî yew sûcê merdimatî yo. Êdî seba mîyanê ra vejînayişê qirkerdişî ser samîmî yew îrade lazim o. Ganî dewleta tirk arşîvê xo yê nimite aşkera bikero, hewna seba cigêrayişê qirkerdişê Dêrsime ser di binê banê Meclîsî de komîsyon ameybi ronayiş û na komîsyon zî arşîvê xo dîyar bikera.”AKP SEBA XO ŞUXULNENA Bulut destnîşan kerd ke hukûmata AKP qirkerdişê Dêrsime seba menfaetê xo yê sîyasîyê şuxulnena û wina dewam kerd: “Eke seba aşkerabîyîşê qirkerdişî Dêrsime ser yew xebat wazîyeno se bêro kerdiş, ganî maqamê darazî aktîf rol bigêrî ser xo la belê maqamê darazîyî di babete qirkerdişî Dêrsime de heme serpirodayişan bi nêzdîbîyîşê vila vejnenî. Aletbîyîşî sîyasetî ra qirkerdişî Dêrsime ser şarê Dêrsime qehîryenî. Dewleta tirk ganî qirkerdişî Dêrsime reyde rîbirî bêro. No ser zî ganî gamê şenber bierzo. Ma zî şopnakarê na rewşe bibî.”
DÊRSIM – DÎHA
