Peynîya şerê derbekaran bi nameyê ‘nobedê demokrasî’ çeteyê AKP, DAIŞ û faşîstî papol û kûçeyan ra vejîyayî û hêrişê taxî ke kurd û elewî cuyenî ra kerdî. Nê hêrişan ser elewîyan qerqizyenî. Komeleyê elewî ke Îzmîr de xebat kenî dîyar kerdî ke bi îlanê OHALî etîrê înan hîna zêdîyayo û hukimatê AKP û serekkomar Erdogan no hewldayîşê derbe xo ra firset dîyî û Erdogan wazeno heme dorûverê muxalîfî bêveng bikero, ê dijverî hem derbeya lejkerî ra hem zî derbeya sivîl î.Serekê Komeleya Kultirê Elewî Bektaşî ya Îzmîrî Mustafa Aslan aşkera kerd ke çi heyf ke her tim elewîyan derbe û qirkerdişan reyde rî bi rî mendî, birnameyo ke OHAL de ameyo girewtiş ser o elewîyan qerqizyenî û nika kûçe û papolan de bi nameyê nobedê demokrasî çeteyê faşîst hêrişê elewîyan kenî û wina vat: “Ganî bi lezî OHAL bêro hawanayîş, nika ganîyîya Tirkîya mekaqanûnêko azadîwaşt û demokratîk esto. Nika kesî ke no rayvistişo teror eyro hincet nîşan danî, meşte çi kam ra hêriş bikerî dîyar nîyo. Ma bawerî ke do meşte dorûverê demokratîk ra rêz bêro. Çimkî zîhnîyetê înan dîyar o. ma dijverî hem derbeya lejkerî ra hem zî derbeya sivîl î.”
Mîyanê derbe de derbe
Rayedarê Komeleya Elewî ya Demokratîke Huseyîn Ozana destnîşan kerd ke çi heyf ke dîroka no welatî bi OHAL û derbeyan de barkerde yo, nika no welat de merdim êdî nêeşkeno biciwo û wina peynî kerd: “Tewr peynî hewldayîşê derbe ser o zaf hûmarî kes ameyî qetilkerdiş û mîyanê derbe de derbeyêk ame kerdiş. Kesî ke vejîyayî papolan xo ra elewîyan hedef girewtî. Ma her kes ra veng danî ke bêrî ma pîya ameyoxo demokratîk pîya înşa bikerî.”
DÎHA/ÎZMÎR