KCK vist vîrî ke ‘AKP-Erdogan biyayîşê Kurd, îradeyê ci ra tehamul nêkenê. Sey her cayî, paytaxta Kurdistan Amed de zî êrişê Kurdan kerd’ û va, “Pê na yî vaciyeno ke ez îradeyî ti nêsarisnena. Qe yew çiyê ti qowil nêkena. Ez wazena ti tarîx ra biestere. Hinda semedê Kurda mehneyê qal nêmend.Vera nayî bê tekoşîn tiway nêmend. Êr ra tepiya Kurd bê tekoşîn nêşkeno biyayîşê xo birame.”
Hemserokiyê Konseyê Rayverîn ê KCK eleqa ûnt hetkaranê AKP ser û va: “Hedefê no herîş de Kurdî estî. Ê ke nayî nêvînenî ê vanî; 'nê herîşî PKK û HDP re benî’, pê nayî tarîxî Kurd de xayiniya tewr pîl kene. Gerek şarê Kurd rîyê leymin ê AKP bivînê û vera polîtîkayê înan tekoşîn bikerî.”
Amed cayekê bimbarek o
Eşkerakerdiş de muhîmînê Amed zî pê nê vatişan ardiya zûn: “Amed her waxt semedê şarê Kurd yew cayo bimbarek o. Şarê Amed qe yew waxt vera îradeyê xo herîşî qowil nêkerdî, êr ra tepiya zî nêkena. Amed rê hêrîş yeno maneya hêrişê verra peroyê Kurdistan. 1975 de Turkeş waşte ke Amed teslîm bigîro, Amed vera nayî werişt lingan ser û yew cewabê tarîxî da ci. Guretxaneyê Amed de waziya şexsê tepişteyan de îradeyê şarê Kurd teslîm bigerîyo, pê tekoşîna tarîxî ê zindanî no zî pêd qeldiya. Hûnca qetilkerdişê Vedat Aydinî ra piya xelyek herîşan de Amed pê xoverdayiş cewab da.”
Hemserokiyê Konseyê Rayverîn ê KCK herîşê vera hemşaredaranê Amed, hêrîşê sey verra rûhê tarîxî ê Amed hesibna û vat: “Ganî şarê Amed sey sembolê îradeyê şarê Kurd werzo lingan ser. Amed gerek sey her waxt rolê xo biyaro ca û serewedartişê şarê Kurd rê rayveriye bikero. Vernî de cenî û gencî gerek pêroyê şarê Kurd biveciyo kuçeyan, vera herîşê AKP-Erdogan tekoşîn bikero û bimiyejne AKP ke qe kes (ço) nêşkeno îradeyê şarê Amed bişikîno.