Pisîngê Wanî bi muyê xo yê sipe, bi çimanê xo yê rengin û asnawkarîya xo ya mîyanê awe de bi yenî zanayîş. Yeno zanayîş ke mucewherê Hîtîtan de mora pisînga Wanî esta. Pisîngê Wanî bi kaykerdişê awe ra zaf hes kenî, pak î û zaf jîhatî yî. Cok ra nînê perwerdekerdiş. Babere ser o Mudirê Merkezê Cigêrayîşê Pisînga Wanî Prof. Dr. Abdullah Kayayî qisey kerd.
Hîsin î û lez heridîyenî
Prof. Dr. Kayayî qiseykerdişê xo de dîyar kerd ke pisîngê Wanî tarîx ra nata dormeyê gola Wanî û koyanê Wanî de sey heywanê kedîkerde cuyayî û wina va: “Dima ra wanijî pisîngan keyeyan de miqate kerdî. Hîsê nê pisîngan zaf zêde yî û girêdayeyê keye yî. Nê pisîngî mabenê xo û merdimê keyeyî de heskerdişêko zaf pîl awan kenî. Seba ke zaf bi hîsin î, lez heridîyenî”
Ver bi çinbîyayîş de yî
Kayayî bale ant neslê pisîngan û qiseykerdişê xo wina qedêna: “Neslê pisîngê ke yew çimê înan rengê turkuaz o û çimo bîn zî rengê kehrîbar o, ver bi çinbîyayîşî de yî. Seba ke pisînga Wanî sera 16 leyîran ana, no zî beno sebeb ke neslê ci çin bibo. Sebebo bîn zî rotişê psîngan o. Pisîngê Wanî teberê bajar û welatî rê yenê rotiş. Wextê girnîyawî de zî seba tewirê înan ra pisîngî çin î, o zî beno sebeb ke no tewir çin bibo. Ma seba pisîngê ke ver bi çinbîyayîşî şonî, xebetîyenî.”
DÎHABER/WAN