Dewleta tirka rojanê peyinan de, hêrişê Sûriye qisey kena. Her çiqas fermî de, hêrişê Suriye qisey bibo zî, waştenê esasî desteserkerdişê Rojawa yo. Dewleta tirk qandê ena waştişê artêşa xo vista mîyanê hereketî û mintiqanê sînor de lejkerê xo kerdê vêşî. Badê kombiyayişê MGK zî, 32 tanqî û xeylê wesaîtê zirxîn û xeylê lejkerî rêşiyay qezayê Elbeylî ya Kilîsî.
Kombîyayişê MGKî
Wekîlê HDP ya Mêrdînî Mîthat Sancarî siyasetê lej ê dewleta tirk û kombîyayişê MGK sero qisey kerd û nêrazîbiyayişê xo ard ziwan.
Sancarî ard vîr ke wexto Girê Sipî binê desteserê ya DAIŞ de bî, Tirkîya hêrişê vera Suriye nêfikiriyayê, feqet senî DAIŞ wija ra çebiyê, qalê hêrişî kena. Sancarî çiyê winayin, çiyê zaf cidî hesibina û wina vat: “Gerek herkes cidî û hesas hereket bikiro. Çimki AKP şena xîntin bikiro. Gerek herkes bizano, rîştina lejkerano xoya piya lej biyaro."
Sancar ard ziwan ke ê zey HDP, DBP û KCD eniyê vera lejî ronê û wina dewam kerd: “Gerek heme dorûverê demokratîk ê Tirkîyayê, qandê aştiyê Tirkîyayê seferber bibê."
DAIŞî ra hetkarî bibirnê
Wekîlê HDP ya Dîlokî Mahmut Togrûl zî ard ziwan ke hêrişê vera Rojawanî, alozîn vilayê heme cayan bikiro û wina peynî kerd: “Çiyê winayin ra zî, en vêşî dewleta tirk zirar bivîno. Wa AKP cayê hêrişê vera Rojawan de, wa hetkarîyê qandê çeteyanê DAIŞ bibirno.”
RUKEN ADALI / ANF/ENQERE