Tabî ke 21’î Adarê zaf bi sebep a. Şaro kurd zaf nê hurdhemê sebeban ra na roja xo wayer vejîno. Yew, seba ke şaro kurd hetê tarîx û mîtolojîke de na roj sey roja vejînî xo vîneno. Kurd vano Gutî û Mîtanan ra hetanê Medan hemê bab-bapîrî ma na 21’î Adare roja Newrozê seke roja roşan firaze kerda, eyra ma vîn û vîra ecdadî xo anî bica. Di, mîyanên şaro kurd de 21’î Adarê roja xo ver ro dayenê ya, roja sitembarî û serwedaritişî ya. Roja azadî ya. Roja yewîtîya, roja neteweyî û niştimanperwerî ya. Ayera mîyanên şaro kurd de, roja en bi rumet roja newrozê ya. Ayera her kurd 21’î Adarê de herîkîyeno verbi qada newrozan.
Kî yenozanayiş şarê Asyamîyanên û şaro faris zî 21’î Adarê xo rê seke roja roşana mîhrîcana wisarê firazê kenî. Lakîn nêy sey şaro kurd na roj bi mana nêkenî. Vanî 21’î Adare hetê astronomik de rojeka bi taybet a. Wextdergîya şew û roj benê seypê. Awhewa beno germ, xoza bena ganî. Oxro, nêy na roj de şinî keyf û seyranê. Govend giredanî, wen û şimenê. Belkî nêy sey kurdan rewşa giranî de nîyî, hewceyê seypê û azadî nîyî. Nêy xorê yew pergalo demokratîk de demokrasîya radîkal derd nêkerd/nêkenî kî sey şaro kurd, na roj de bibî çalakwan. Nêy sey şarê Kurdistan qabê yew cuya newe nêwazenê, qabe yew îradeyo neteweyî û sitatû bedel nêdanê kî bibî şoreşger. Ayera muradî nayan keyf û seyran o. Xorê otewir zî kenî. Şaro kurd 21’î Adarê Newrozê tabî ke sey şarê Asyamîyanên, farisan û tirkan hem şahî de yo hem zî muradî xo ano bica. Xulasa qandê Kurdistana azad… serweradano. Roja xo bi kargerî û bi çalakîyan vîyarneno. Şaro kurd nayan vano. “Bele, wisar o. Xoza bîya ganî. Xurîyê awe kewta deran û derexulan. Wiçwîça milîçîkan a. Wisar ami sarre û çiman ser ami. La zarî û figana kurd û Kurdistan a!” Ayera zaf zî qabe na zarî û fîgan her kurd 21’î Adarê de herîkîyeno verbi qada newrozan.
Heger şaro kurd her 21’î Adarê de newroz bi zerrweşî, bi şan rumet firaze keno se saye tevgera azadiya qelê kurd, û rayberan ê yo. Ayera şar verkan sernameyê hemê şehîdan xo, Kawayo hemdem Mazlum Dogan û hevalan ey ano xo vîr. Şewla adirî bedenê Mazlum, Ferhad Kurtay, Necmî Oner, Eşref Anyik û Mahmud Zengîn 21’î Adarê de roşn dana seranserê Kurdistan. Netîce de no serwedarişî sîyasetmedaran kurd, xover dayenê tevgera azad dîqetê hemê cîhanê ancit ser meseleya kurd. Nêy bîyê rumetî şarî xo, bîyê roşnê adirî newroza Kurdistan.
Serr 2015. Seranserê Kurdistan de henverê her Dehak her kurdo bi heysîyet bîyo yew Kawa. Her şerwan (gerîla û pêşmerge) bîyo gurzî Kawayo Asinkar û bîyo kile hîrê niftî Mazlumo hemdem. Komeleya kurd, mîlyonan kes seba şîara azdî û biratî 21’î Adarê de fînalê Newrozê Kurdistan de Parka Newrozê Amed de yeno têhet. Benî vengê şehîdan xo. Benî rengî xozayê xo. Benî adirî haştî û biratî. Û goş danî hesreta xo Ocalan… rayyberan xo.
Mistefa Şahîn