Hemserokê Konseya Rayverîn yê KCK Cemîl Bayikî derheqê babetê ke rojdem de yê de ANF rê qisey kerd. Bayikî aşkere kerd ke, şarê kurd do Newroz de cewabêko baş bido faşîzmê AKP-MHP.
Hemserokê Konseya Rayverîn yê KCK Cemîl Bayikî serre de Newroz pêrokîn şaran rê pîroz kerd û vat; kiştêke de verva erjan zilm, zordarî, kolonyalîzm û êrîşî est ê, kişta bîn de zî raştîya şarêkê xoverdêrî ya zey Kawayê Asinkarî est a.
Cemîl Bayikî vist vîrî ke 'Newroza 2017’î rewşêka muhîme girota û da zonayene ke qewimyayişanê 2016’î Newroz 2017î zafêrî muhîme kerda.
'Newroz qebûlnêkerdişê zilmî yo’
Bayikî dîyar kerd ke dewleta Tirk îlan kerd ke do qirrê erjanê Newroz bîyaro û wina va: “Faşîzmê AKP-MHP seba kurdan bîyo zey dehaqî. Ganî her kes bi rihê Newroz verva desthelatdarîyê werzo ser payan.”
Hemserokê Konseya Rayverîn yê KCK Cemîl Bayikî da zonayen ke 'Newroz qebûlnêkerdişê zilmî yo, verva zilmî de têkoşîn dayîş o’ û wina dewam kerd: “Senî ke estbîyayişê Newroz estbîyayişê kurdan o, estbîyayişê kurdan zî estbîyayişê Newrozî yo. Gere şarê Kurd îradeyê xo yê cuyeyê azad û demokratîkî nîşan bido. Newroza 2017’î bibo Newroza xopawitişî.”
Do hêrîşan rê bibo cewab
Bayikî hayr ant hêrîşanê qirkerdişî yê AKP-MHP yê 24'ê Temûza 2015’î ser û vat; “Do Newroza 2017’î bibo cewabê hêrîşanê qirkerdişî. Gere Newroze bi rihê xoverdayişî yê fedayîyanê ma bibo roja nîşandayişê hêrsê ma. Şarê kurd do Newroze de kuçe û meydanan dekero û verzo ra xo ser. Eke dewleta Tirk reyna qedexeyan rono, do şarê kurd zî heme kuçe û taxanê xo açarno qadanê Newroz. Şar do bi rihê Newrozê heme cayan de xover bido. Seba ke Newroze qedexeyan qebûl nêkena.”
Bayikî peynî de vengdayîşê tewrbîyayişê çalakîyanê Newroze da Kurdistanijan û heme dormeyanê demokratîkan.
ANF/BEHDÎNAN