Weçînayîş ra hema 2 aşm û hîrê heftê wext mendî. Hem welat de hem zî Ewropa de xebatê weçînayîş dewam keno. Ewropa de şarê kurd lîsteya weçînitoxan kontrol keno, lîste de name kamî çinbo, şino xo qeyd keno.
Seba weçînayîşî hîşyarîya ke rind zerre şarê ma de esta. Komalan de erebe ameyê eyarkerdiş. Lîsteya weçînitoxan de name kamî keydkerdi nêbo, siwarê erebe kenî û benî konsolosxanê tirk de qeyd kenî.
Wexto ke ma şarî ra qiseykenî, pêronê şarî vano, no weçînayîş zaf muhîmo. Gera ma role xo kaybikeri.
Gera verê cû lîsteya weçînitoxan bîyero temamkerdiş. Dima ra zî seba HDP rayê bîyerênê komkerdiş, propoganda bîyerokerdiş
Pêyenê de wextê ray şixulanayîş de gera herkes şîyero ser sindoqan.
Hema hema pêronê şarê ma yê Ewropa zaf xo bi bawero.
Şarê ma vano, ma rehet bendê sera 10 vîyerênê.
Herkes vano ma weçînayîşê serekkomarî de kar nêkerd.
Vano, werekkê ma weş kar bikerdênê.
Vano, ma sey weçînayîşê serekkomarî, xetê û kemayîyan nêkenî.
Tayê vanî, ê seba HDP ê 200 hezar rayê bivejîyenê.
Tayê vanî, ê eba HDP’ê 300 hezar rayê bivejîyenê.
Tayê zî vanî, ê seba HDP’ê 400 hezar rayê bivejîyenê.
Kem û zêde yew nêkewno gûmanîyê.
Rapersînê ke eşkera benî, gore nê rapersînan rayê HDP sera 13 û 14’yê.
AKP na raştîyê vînena û çiqasî roja weçînayîş nêzdî beno, AKP har bena.
En zêde R.T.Erdogan har bîyo.
Fek erzeno Kurdan û vano, “Çîyê Kurdan kem o?.... Pirsê Kurd nêmendo”.
Kenan Evren û Silêman Demîrel se vatênê, ewro eynî çîyan R.T.Erdogan vano û hîna zêdeyîr vano.
Leq û leqê beredayî kenî.
Wexto ke Erdogan hina qiseykeno, şarê ma zî hîna zêde hêrs beno, zêdeyîr seba HDP karkeno.
Hetê bîn ra emserr pîrozkerdişê Newroz û xebatê weçînayîş pê yew mexsed yenî ramnayîş.
Hina bîyo ke, qederê Newroza emserr û weçînayîş bîyo yew.
Weçînayîş û pîrozkerdişê Newroz pîya yenî ramnayîş.
Newroz de ê qederê weçînayîşî kem û zêde ê zelal bibo.
Yew bi ewno Newrozê emserr, ê encam û netîce weçînayîş zî rast bîyero tesbîtkerdiş.
Hem Ewropa de hem zî welat de pîrozkerdişê Newrozê seyî bivîyero, ê weçînayîş zî hina bivîyero.
Ez a bawerî de ya ke, şarê kurd yê Ewropa û welat na raştî nîşanê dinya bido.
Nika ra ez vana, Newroza şima pîroz bo.
Rayanê xo bidenê HDP.