Kurdê ke Awrûpa de cuwyenê zî xo serva Newroz kenê hadre. Almanya de Newroz roja Şemî Hannover de viraziyena. Hemserokê NAV-DEM Yuksel Koç’î veng da Kurdistanijan ke bi rihê xoverdayişê Mehmet Tûnçan bi rihê serwedarnayişan tewrê Newroz bibê.
Emserr bimbarekînê Newroz açarniyenê xoverdayişê xorayverînan. Herzewbîn pêrokîn nûmayişanê Newroz de qetlîamê dewleta tirk dê bîrê protestokerdin.Kurdê ke Awrûpa de cuwyenê zî xo serva Newroz kenê hadre. Sûkanê Almanya de Newroz do bi şiyayişanê meşaleyî, bi resepsîyon û nûmayişanê ciya bimbarek bibo.
‘Ocalan’î rê azadî, Kurdistanî rê statu’
Roja Şemî Newroza gird yê Almanya sûka Hannover de bi slogana ‘Ocalan’î rê azadî, Kurdistanî rê statu’ viraziyena. Hadreyînê na organîzasyonî ramenê. Kurdî, dostê ci û xêlê fraksîyonî dê nûmayiş de ca bigîrê. Badê şiyayiş do mitîng viraziyo û rêxistinê ciya dê mesajanê xo aşkere bikerê.
Hemserokê NAV-DEM Yuksel Koç’î derheqê gureyînanê xo de zonayişî day. Koç’î vist vîrî ke hadreyînê Newroz qediyayê û venga tewrbiyen da. Yuksel Koç’î hayr ant êrişanê dewleta tirk yê vera sûkanê Kurdistan ser û qiseyê xo wina domna: “Cewabdayişê raşt yê şehîdanê xoverdayişê xorayirberdişan bi rihê xoverdayiş vejyayişê meydanan o. Adirê Newroz, vera siyaseta înkar û îmha, sembolê cuwyana azad û demokratîk o. Nayî ra vizêr şaranê Rojhelatê Miyanî bi rayverîna Kawayê Esînkar de adirê îsyanî vistray ci”. Koç’î da zonayen ke, hikûmeta AKP ya ke dûştê xoverdayişê xorayirberdişan de binkewt konseptê herbê topyekun vist dewre.
Seferber bibime
Hemserokê NAV-DEM vist vîrî ke Newroza emserr yê Almanya sûka Hannover de viraziyena û wina va: “Newroza emserr yadê şehîdanê Cizîr û Sûr kenime. Serva ronayenê statuyê xoser û akerdişê raya serbestiya Rayver Apo bi rihê xoverdayiş Newroz açarnime serwedardişan. Ganî pêrokîn navendê civakî serva na nûmayiş seferber bibê. Na nûmayiş îradeyê wayirvejyayişê xorayirberdişan o. Herzewbîn bi nûmayişê Newroz polîtîkayê qilêrîn yê dewleta AKP û Almanya teşîr bibê.
Bi dostanê xo ra piya…
Yuksel Koç ard ziwan ke ganî her kurdeke bi jew dostê xo yê xerîb ra piya bîro Newroz û pêrokîn dostê kurdan bîrê silayînkerdin. Koç’î veng da jûyîna alewî, êzidî û îslamî ke gureyînê mitîngî biramê, plansazeyê teybet virazê, propagandayê aktîf bikerê û va, ganî hêrs û nêrazîbiyenê xo rafime meydanan û mesaja hewce bidime pêrokîn dinya. Nûmayişê Newroz roja Şeme Hannover de seat 10:00 de Waterloopplatz de destpa keno. Hunermendê namedar yê zey Yelda Abbasî, Mem Ararat, Mûstafa Dadar, Bandîsta, Bengî Agirî û Koroyê Tev-Çand û PHKE dê sehne bigîrê.
ANF/KOLN
KJA ra vengdayişê tewrbiyenê Newroz
Sûkanê Vakûrê Kurdistan û Tirkiye de nûmayişê bimbarekînê Newroz hetê dewlet amey tomet kerdin. Kurdistanijê ke nê qedexeyan nêsilasnenê nika ra Newroz bimbarek kenê. KJA zî veng da ceniyan ke pêrokîn meydanan bikerê dikerde.
Kongreya Jinên Azad bi damustayinê nuşteyî vengê silayînê Newroz da ceniyan. KJA aşkere kerd ke, ceniyê ke vera faşîzmî vejyay meydanan vera zihnîyetê serdest tewrê xo damusnay û wina va: “Tarîxê Komara Tirkiye de ti hikûmet zey AKP êrişê ceniyan nêkerd. AKP hedef kerd ke bi qirkerdişê ceniyan înan tekoşînê ci ra dûr bikero.
Zekîyeyan ra heta Sêvêyan
KJA vist vîrî ke meşaleya ke Zekî Alkan ser Bedenê Amed de vistra ci ewro cayanê xorayirberdişan de destê Sêvê û Berjînan de açarniya adirê azadî. KJA hayr ant mesajê Newroz yê Rayverê Şarê Kurd Abdullah Ocalan’î ser û vist vîrî ke quwetanê emperyalîst bi herb û jêdekerdişê herbî cewab da destê haşitî. KJA da zonayen ke Newroza 2016î ke bi slogana ‘Rayber o azad, Kurdistan’a azad û Tirkiye ya Demokratîk’ viraziyena de cenî dê reyna vengdayişê Ocalan’î qîr bikerê. Peyniya damûstayîn de KJA veng da pêrokîn ceniyan û şaran ke vejerê meydanan û tekoşîna serbestî berz bikerê.
DÎHA/AMED