“Her çend ke KCK bira bêçalakîtî girewta zî, AKP şaristanê sey Licê, Dêrsim,Mûş û sewbîna zaf şaristanê Kurdistanî de polîtîkayê xo yê şerî ra verdewam kena.”
Wazena taloq bikera
Baluken dergeyîya qalîkerdişê xo de ciresna ke KCK bi bira xo ya bêçalakîtî şero ke AKP wazena bika veng veto û wina vat: “Bi bira bêçalakîtî maskeya AKPe kewt û AKP dekewt mîyanê gêrayîşên cîya. AKP Gever û Licêye de bi qetilkerdişê welatijî û hêrişkerdişê erjê firaz a şarî wazena şarî biveco papolan û kaosek biveco. Nika Licêye de qedexeya vecyayîşê teberî esto. Cayo ke tirsê ganîye estî hetê lejkeran ra yeno bombekerdiş. Rayna şehîdgehî yenî xirakerdiş. Hetê nînan de Geverî de 2 ciwanî amey qetilkerdiş, Şirnexî de terorê dewletî vistî dewre. AKP wazena bi şero mîyanên weçînayîşî taloq bikera, an zî bi vetişê kaosî darbeyek ravêreyeya weçînayîşî bida.”
Armanc xilaskerdiş o
Baluken qalîkerdişê xo de bal ant ser girdîya operasyonan û wina verdewam kerd: “Armancê nêy operasyonan ra yew zî xilaskerdişê DAIŞe yo. Taybetî DAIŞ a ke Sûrîye û Rojawanî de darbeyê gird werdî, lazimîya ci ya rehetbîyîşî esto. Tirkîya tîya de wazena heme hêzê têgêrayîşê kurdan kaş biko mîyanê şero ke Tirkîyaye de yeno cuyayîş mîyan û paştîya ke semedê PYDe ameybî dayîş biqedêna. Tirkîya bi no hawa wazena DAIŞe Sûrîye û Rojawanî de rayna ganî bikera. No semedî ra ma bi ravêreyeyê provakatîf rî bî rî yî.”
Heyetî suc kenî
Baluken dîyar kerd ke waştişê AKP ya bi mehneya ‘asayîş’î sindoqî bêrî kirîştiş, her çend ke hetê Heyetê Weçînayîşî ya Berzî (YSK) ra ameybî redkerdiş, eyro rayna zî hetê AKPe ra bi zanayîş yeno rojdemî û wina domna: “Her çend ke bire bi awayo tesil ameybî girewtiş zî, eyro çend qezayan de bira kirîştişî ameyo dayîş. No hetî de Heyetê Weçînayîşî bi awayo akerde suc kenî. Xora bira ke heyetî girewto, hetê hiquqî de zî vernîya ci ameyo girewtiş, ma nêşkenî îtîraz bikerî. Qesr û AKP wazenî bi no hawa qezayan de mudaxaleyê weçînayîşî bikerî.”
Baluken peynîya qalîkerdişê xo de wina vat: “Êy ke no bire girewtî qralî ra zafêr qralkarî kenî. Mumkin nîyo ke nêy bireyan bidekî merîyetî. Hetê weçînitox û raydayîşî de Heyetê Weçînayîşî wezîfedar a. Ma sey HDPe peya nêy bira korsanî veranêdanî.”
Lazim o her kes dijî nêyî bivejyo
Baluken bal ant ser bira bêçalakîtî û wina verdewam kerd: “Nika wextê wayîrvejyayîşê nêy bira bêçalakîtî yo. Hemverê konseptê şerî raşteyan de tena HDP bibo û xover bido, qîm nêkeno. Lazim o heme hetgirê aştî û demokrasîye dijî polîtîkayê şerî ya AKPe bivejyî raşteyan. Rayna lazim o raya pêroyîn a mîyannetewî nêy operasyonê AKPe sero cigêrayîş bikerî û mehkum bikerî. Ganî bêro zanayîş ke nêy operasyonî Tirkîya û Rojhilato Mîyanên de talukeyekî zaf gird do awan bikerî.”