HENEN MIHEMED /ROZANA DADO / ANHA/HELEB
Taxa Şêxmeqsûdî ya Helebî de bi seyan hîkayeyê xoverdayîşî nimite yî. Nînan ra yewe zî ya Zelûx û Meqbûle ya. Zelûx û Meqbûle bi cuyayîşê xo nîşan da ke cîyabîyayîşê dîn û mezheban vernîya pîyacuyayîşî de asteng nîyo. Her di cinîyî pawitişê taxe de ca girewtî û her dîyan destek da ciwanan.
Cinîyan ra Meqbûle Nebû Êzidî ya û 7 domananê aye estî. Meqbûle wexto ke hêrişî dest pêkerdî, 2 domanê aye beşdarê YPGyî bîyî. Zelûx Hîbo zî dayîka 8 domananî ya û musluman a. Nika 2 doman û torinêkê aye xoverdayîş de ca gênî.
Her di cinîyî taxanê cîyayan de yewbînan şinasnenî û wextê hêrişanê çeteyan de yenî têhet û pîya cuyenî. Zelûx û Meqbûle mabênê 2013-2016î de Ziqaqê Muxabaratî de bi 20 keyeyan xover danî û mîyanê xebatanê Keyeyê Şarî de ca gênî. Her di cinîyî zî dîyar kenî ke înan soz dayo ke rayîrê domananê xo de şêrî. No pîyacuyayîş de çîyo ke tewr zaf bala merdimî anceno o yo ke banê înan de Quran û fotografê Zerdeşt pêxember û Dayîka Meryeme têhet de yî.