Mollaogluyî qiseykerdişê xo de qala xo pawitişê nêweşîyanê zimistanî kerd û wina va: “Seba xo nêweşîyanê zimistanî ra pawitişî çîyo ke sifteyîn bêro kerdiş, pakî ya. Ganî merdim goreyê qayde û quralê pakîye hereket bikero. Mîyanê pakîye de yê tewr muhîm zî pakîya destan a. Ganî destî goreyê qeydeyan bi hawayo munasîb bêrî şiwitiş.
* Heta ke mumkun bibo, ganî cayanê padayeyan ra dûrî bêro vindetiş.
* Ganî merdim germîya cayo ke tede maneno zî dîqet bikero; mîyanê roje de ganî germayî 24 derece, wextê rakewtişî de zî 22 derece bibo.
* Ganî her serre aşma teşrîna verêne û peyêne de bi tesilî derzîna grîbî pirodîyo.
* Bitaybetî cayê sey buro, ofîs û mekteban de çîyê ke sey qeleme, kitab, compîtur, qedeh û sewbîna ganî kesanê bînan reyde bi hawayo ortax nêrî xebetnayîş.
* Ganî destmalî reyêk tena bêrî xebetnayîş, pêsero pêsero nêrî xebetnayîş.
* Xebetnayîşê çîyê awin de zî ganî çîyo awin çi zêde germ û çi zî zêde serd bibo.
* Ganî bêzanayîş yan zî bi pêşnîyazê dermanroşan dermanî, bitaybetî zî antîbîyotîkî nêrî xebetnayîş.
* Sporê ke zaf enerjî tede yeno xerckerdiş, ganî kontrolê weşîye ra dima bêrê kerdiş.