Nûmayîşê nobed ke seba serbestîya Rayverê Şarê Kurd Abdullah Ocalan’î, 25'ê Hezîrana 2012 de, ver Konseyê Ewrûpa de amê destpa kerdiş, hefteyê 250. de ramena. Nobeda ke sûka Fransa Strasboûrg de ramena, roja Yewşeme hetê komeke newî dewr amê girewten.
Kurdistanijê ke Parîs ra şî, nobed hetê cinîyanê endamê Sîwana Meclîsa Cinîyê Êzidî (SMJÊ) ra dewr girotî. Nûmayîşkar Ejder Kahraman ke ser nameyê koma newî qisey kerd, aşkere kerd ke ê seba serbestîya Rayverê xo tewrê nûmayîş bîyê.
Koma newî do heta roja Yewşeme ver banê Konseya Ewropa de nobed bigîrê û derheqê nûmayîş de enformasyonî bidê ronişteyanê sûk.
‘Nobeda Serbestî’ ke 25'ê Hezîrana 2012 de destpa kerd hefteyê 250. de ya û heta nika bi seyan kesî tewrê nûmayîş bîye. Komîteyê hadreyîn wexto ke nûmayîş destpêkerd de aşkere kerdbi ke, heta ke Ocalan serbest bibo, do nûmayîş dewam bikero.
STRASBÛRG