25’ê Hezîran 2012’î ra heta na het, her hefte, her cayê Awrûpa ra, welatijî nûmayiş de ca girotî. Nobeda dewrdor her hefte yena vurnayen. Nûmayişkarê ke nobed dewr gênê, derheqê nûmayişa xo û raştiya Ocalan’î de vilavok û buroşurî kenê vila, hewl danê dawaya serbestî ya Kurd raşt bidê fehmkerden.
1253 rojî pey xo de terna
No hefte jî, bacar-sûka Almanya Kassel ra, yo-jû qeflê nûmayişkaran nobet dewr guret. Nûmayişkaran derheqê nobed de eşkerakerdiş day û aşkere kerdî ke Îmrali de şexs dê Ocalan’î de şarê Kurd tepişteyo. Nûmayişkaran tecrîdê giran ya verra Ocalan’î rê hêrs û nêrazîbiyen damusnay, hikûmeta AKP aya kerdî.
Nûmayişkaran hayr antî qetlîamê ke Tirkiye de bi fermana Erdogan’î benê ser û welatanê Awrûpa ra waştî ke nê komkiştenanê Erdogan’î bivîne. Nûmayişkaran aşkere kerd ke, şarê Kurd hetûn pênî, her ca de, her wextî de, verva zilm û zorvajî do ser payan de bo. Eşkerakerdiş de vajiya ke: Heta ke Rayverê ma serbest nêbo, nûmayiş-çalakî yê ma dê dewam bikerê. Serbestiya Ocalan, serbestiya şarê Kurd a. Cok ra şarê Kurd, do her ca de, wayir-waharê Rayverê xo biveciyo.
Ver Dolmabaxçe de nûmayiş
Azayê Meclîsê Haşitî yê Stenbol, zey her hefte, no Çarşem zî ver Seray’a Dolmabaxçe de bî. Mayan dowîzê ‘Ma, serva şima, serva eskeran, serva şar, serva haşitî, îta de ronişeme’ akerdî. Mayê Haştî bi waştena serbestiya Rayverê Şarê Kurd Abdullah Ocalan’î hîrê hefteyo ver Seray’a Dolmabaxçe de nûmayişa ronişten virazenê.
Azayê meclîsî vizêr zî serva serbestiya Rayerê xo nûmayiş de bî. Mayê Haşitî anê zon ke, heta ke Rayverê înan serbest nêviradiyo, nûmayişê înan dê biramê.
TUAD ra serva Ocalan kampanya
Heta bîn ra, Komeleya malbatanê tepişteyan DUAD bi waştena serbestiya Rayverê Şarê Kurd Abdullah Ocalan’î, kampanya dest kena ci.
Kampanya ya ke 5’ê Kanûn’î ra tepya Stenbol de dest kena ci, do vilayê sûkanê Tirkiye û Kurdistan bibo. Nûmayişan de wedarnayenê tecrîdî ra piya, serbestiya Ocalan’î û destpakerdinê dialog do bîro waşten.Nûmayişê sifte do 5’ê Kanûn’î de ver meydanê Aksaray de viraziyo. Peycoy goreyê jew teqwîm mitîng, rayşiyîn, panel û nûmayişê ciya dê viraziyê.
Serva serbestiya Ocalan pêrokîn dinya de gureyînî yenê ramiten. Platforrmê serva haşitî Ocalan’î rê serbestî pêrokîn dinya de jû kampanya ramit û 10 milyonî ra jêde îmze are kerdî. Nî îmzeyî teslîmê Parlamentoyê Awrûpa bî.
ANF/DÎHA