Roja vêrîn yê mûmayiş de welatijî vêrê Pasajê Şar de amey pêser û vera tecrîd hêrsê xo arde zûn. Nûmayişkaran pê pankart û sloganan waştê tecrdî ser Ocalan wedarîyo. Bado zî Nobeta Serbestiyê mehlayê Afatûn de dewam kerd. Çalakî de azaya Kongreya Demokratîk ê Îslam ra Hatîce Kavran qal kerd. Kavran polîtîkaya leymin ê AKP rê hêrse xo arde zûn û vat Ocalan ra xeber nêguretiş lejê zerrî ê Tirkîye binena keno xore.
Nûmayişa ke pê rayverîyê KJA, HDP û DBP de virazyena, mehlayê Simanî de dewam kerd. Çalakî rê her roj eleqeyê şarî beno gird û tewrbîyayîşê şarî zêdiyeno. Cayê çalakî de panqarta 'Tecrîd sûce merdimiye yo' aliqiya. Hemserokê DBP Feyzullah Şenhanoglu arde zûne ke tecrîd ser Ocalan vernî felakatan neweyan keno a. Şehnaoglu dazûneyene ke hetûn Ocalan ra ra xeber guretiş ê çalakiyan rê dewam kene. Nûmayişkaran zî day zonayene ke ê her şo yew ca de çalakî virazenê û şarê Çewlig ra waşt ke biveciyê kuçeyan û wahar Rayverê xo bivecî. Nûmayiş vizêr seatanê şan de taxa Bahçelîevler de dewam kerd.
ÇEWLIG