Nobeta ‘Ocalanî rê Azadî’ ya ke 25ê Hezîrana 2012î de bajarê Strasbourgî yê Fransa de vernîya awanîya Konseyê Ewropa de dest pêkerde, nizdîyê 8 serrî yo dewam kena. Her hewte nobete hetê grûbêka bîne ra yena dewrgirewtene.
Nobedarê nê hewteyî Omer Harmanci, Mustafa A. Dîlek û Yaşar Kaya yê ke Danîmarka ra ameyî yê. Beyanatê koma newîye de ame parekerdene ke bi aşman Rayberê Şarê Kurdî Abdullah Ocalanî ra xebere nêna girewtene, coka Kurdî naye ra biqesawet ê. Beyanat de ame vatene ke zor û zehmetîya nê wextî de Kurdî xoverdayîşê xo her ca de kenê gird.
Çalakgêran bale ante qerardarîya çalakîya ‘Ocalanî rê Azadî’ ser ke 7 serrî û nîme yo ke dewam kena û da zanayene ke nobete heta ke Ocalan azad bibo bi qerardarî do dewam bikera. Çalakgêrî do heta peynîya hewteyî hewl bidî ke rayaumûmîye rê qala têkoşînê Ocalanî bikerê. Her hewte komêk bajarêko cîya yê Ewropa ra tewrê çalakîye bena.
ANF/STRASBOURG