Nobeta ‘Ocalanî rê Azadîye’ ke 25ê Hezîrana 2012î ra nata bajarê Strasbourgî yê Fransa de vernîya awanîya Konseyê Ewropa de yena viraştene û çalakîyanê tewr dergan ra yewe yê Kurdan a, bêmabên dewam kena. Çalakîya ke her hewte hetê grûbêke ra yena dewr girewtene, no hewte zî hetê grûbêka newîye ra dewr girîyaye.
Nobetdarê nê hewteyî grûba ke bajarê Hannoverî yê Almanya ra ameya ya. Mîyanê grûbe de cinîyê Êzidîyî Edel Aslane, Xezal Yaltî, Koçer Adibellî û Mehmet Salih Bager ca gênî. Edel Aslane bi nameyê grûbe qisey kerd û vat ke esaretê 20 serranê Ocalanî bi tu hawayî nêno qebulkerdene. Aslane vist vîrî ke çalakîya nobete ya ke verê awanîya Konseyê Ewropa de yena domnayene, serra 8. de ya, heta ke çalakî bireso amancê xo ê do çalakîye bidomnê. Aslane dîyar kerde ke tecrîdkerdişê Ocalanî bi xoverdayîşê grevanê vêşanîye û xoverdayîşê dayîkan ame qedînayene, la înan newe ra tecrîd fînayo dewre.
STRASBOURG