Çalakîya Nobete ya Ocalanî rê Azadîye ke 25ê Hezîrana 2012î de bajarê Strasbourgî yê Fransa de vernîya Konseyê Ewropa de dest pêkerdbî, hewteyo 370. de ya. Nobete roja yewşemeyî ra nata hetê cinîyanê Êzidîyan ra ameya dewrgirewtene.
Çalakîya ke hewteyê verênî de hetê endamanê Komîteya Şehîdan ra ameye dewrgirewtene de qalê mûhîmîya têkoşînê Ocalanî yê semedê şarê dinya yeno kerdene.
Çalakîya nê hewteyî de cinîyê Êzidî Zerê Devale, Sosin Kartale û Zero Ale ca gênê.
Zerê Davala ke bi nameyê grûbe eşkerayîye daye, pêvînayîşanê Rayberê Şarê Kurdî Abdullah Ocalanî yê ke rojanê peyênan de reyna yenê astengkerdene vistî vîrî û va ‘şar nê semedî ra biqesewet o’. Vervatoxa grûbe bale ante kayanê leyminan ê Tirkîya û dewletanê paştgerênê ci yê vera Kurdan de ser û veng da selahîyetdaranê Komîteya Vernîgirewtişê Îşkenceyî (CPT) û Konseyê Ewropa (KE) yê ke Strasburg de yê û waşt ke wezîfeyê xo bica bîyarê.
STRASBOURG