Çalakîya nobete ya ke seba azadîya Rayberê Şarê Kurdî Abdullah Ocalanî vernîya Konseyê Ewropa (KE) ya bajarê Strasbourgî yê Fransa de yena viraştene, hewteyo 374. de hetê cinîyanê Îskandînavya ra yena rayraberdene.
Çalakîya ke 25ê Hezîran a 2012î de vernîya Konseyê Ewropa de dest pêkerdbî û heta ewro dewam kena, no hewte cinîyanê bi nameyê Ozan Fîgene, Şîrîn Tokpinare, Mîna Kadirî û Sutîye Emma yê ke Îskandînaya ra ameyî ame dewrgirewtene.
Bi nameyê grûbe Ozcan Fîgene qisey kerde û dîyar kerde ke heta azadîya Ocalanî ê do nobete de bê. Vervatoxa grûbe Fîgene bale ante hêrişê AKPyî yê vera şaredarîyanê HDPyî de ser û va ‘faşîzmê dewleta Tirkî reyna rîyê xo yo lêmin ramot’ û wina dewam kerde: “Ma hêrişê vera îradeyê şarê Kurdî de Erdogan û dewleta Tirkî şermezar kenê. Ma sey cinî û şarê Kurdî do tim hetê Rayberê Şarê Kurdî Abdullah Ocalanî û Têkoînê Azadîye yê Kurdan de bê. Ganî pêroyê kesê bianorî vera faşîzmê Erdoganî de xoverdayîşê xo gird bikerê.”
STRASBOURG