Çalakîya Nobeta Ocalanî rê Azadîye ya ke 25ê Hezîrana 2012î de vernîya Konseyê Ewropa de dest pêkerdbî, her hewte bi grûbêka neweye dewam kena. Çalakîya ke hewtêyo ravêrte hetê grûba Strasbourgî ra ameybî girewtene, no hewte hetê grûba ke bajarê Salzgîtterî yê Almanya ra ameye ra ameye dewr girewtene.
Grûba ke Alî Bîlîncî, Cûma Acar, Suleyman Ozkalkan û Şexmûs Guner tede ca gênê, eşkerayîyêk daye û ard ziwan ke ê polîtîkaya tecrîdî ya vera Ocalanî de qebul nêkenê. Eşkerayîye de bale ameye antene bêhuqûqîya dewleta Tirkî ser û ame vatene ke hînî tehamulê Kurdan nêmendo. Çalakgêran veng da Kurdê ke Ewropa de yê û waşt ke wa hîna zaf tewrê çalakîyê ke semedê azadîya Ocalanî yenê viraştene bibê.
STRASBOURG