Zey her çarşem, no hefte zî, ceniyê Kurd Parîs, Strasbourg, Sttutgart û Dusseldorf de vejyay meydanan, waştena edalet û cezakerdişê kiştoxan ardî ziwan.
Paris û Strasbourg de geyrayişê edalet
Paytextê Fransa û cayê qetlîama 9ê Çile Parîs de, no hefte zî Kurdistanijî bi sloganê edalet vejiyay meydanan û şoreşgerê Kurd Sakîne Cansiz, Fîdan Dogan û Leyla Şaylemez vîrardî. Nûmayişê Kurdan, serra 3. de, açarniya, nûmayişê nobed yê verra Parlamentoyê Fransa. Ceniyê ke tewrê nûmayişa nobeti bî, wastenê edalet û roşnîkerdinê komkiştenî ardî ziwan û xoverdayişê Bakur silam kerdî.
Sûka Fransa Strasbourg de zî, bi rayverîna TJKE, nûmayişa edaletî viraziya. Welatijê ke ver walitiyê sûk de amey pêhet, Sakîne Cansiz, Fîdan Dogan û Leyla Şaylemez ardî vîrî. Şêligî bê vengîya rayverîna Fransa protesto kerd û wastenê adeletî ardî ziwan.
3 cenî Almanya de kî yad bî
Sûka Almanya Stutgart de zî ceniyhe Kurd serva geyrayişê edalet, ver konsolosxaneyê Fransa de amey pêhet. Nûmayişkarê ke dewleta Fransa îqaz kerdî, wastî ke komkişten roşnî bibo û kiştoxî bîrê cezakerdin.
Bi eynî waştenan sûka Almanya Dusseldorf de zî, verê konsolosxaneyê Fransa de nûmayiş viraziya.Tiya de zî şêligî hêrsê xoyê vera komkişten ardî ziwan.
Nûmayişa sûka Munîh de zî ceniyê şoreşger ê ke qetlîamê Parîs û Silopî de kişiyay ardiyay vîrî. Herzewbîn sozê roşnîkerdişê qetlîam û berzkerdişê tekoşîn ame dayen.
Hambûrg de merasîmê yadkerdinê ceniyan
Hambûrg de, 3. serragêrêra qetlîam de, serva yadkerdinê Sakînê Cansiz, Fîdan Dogan û Leyla Şaylemez merasîm viraziya. Merasîm de kitabê Sakîne Cansiz o bi Almanî, ’tim pêrodayîş bi cuwyayişê mi’ dasilasniya.
Vîrardeno ke hetê Meclîsê Ceniyan ê Rojbîn ra organîze bi, 100 ra vêşî-zêdiyer cenî tewr bî. Merasîm de azaya Meclîsê Ceniyan ê Rojbîn û waya qadroyanê Rayver ê PKK ra M.Hayrî Durmuş Ayten Durmuş qisey kerd.
Durmuş hayr ant tekoşînê azadiyê ceniyanê Kurd de rolê şehîdan ser û niya qisey kerd: “Ma dêyndarê şehîdanê Kurdistan’î yê û aşkere kerd ke, tekoşînê serbestî bi saya şehîdan ame na merhale.
Sakîne tim verniya tekoşînî de bî
Durmuş tekoşînê Sakîne Cansiz vist vîrî û niya va: Sakîne Cansiz ronayişê PKK ra, heta şehadeta xo, tim û tim vêrniyê tekoşînî de bî û verva dişmen sereyê aye berz vindert. Ma ceniyê Kurd zî bi na zonayiş û mîrasî tekoşîna xo ramenê.
Bedîha Demîr zî bi-pê jû skeçî mesaja bêmerdiya 3 ceniyanê şoreşgeran da. Peycoy zî, kitabê Sakîne Cansiz ‘tim pêrodayîş bi cuwyayişê mi’ beşê diyîn yê bi Almanî dasilasniya. Merasîm de 3 ceniyê siyasetkar ke Silpî de qetil bî zî yad bî û xoverdayişê bakur silûm bi. Pêniyê şew de semedê wahar veciyayenê xoverdayişê xoserî veng diya Kurdistanijan û dostanê ci.
NAVENDÊ XEBERAN