Bi hezaran kes vizêr Wan de serva serbestiya Ocalan’î vejiyay meydanan. Nûmayişkarê ke ser vengdayena DBP, HDP û TUYAD-DER, parqa Feqiyê Teyran de are bî, bi sloganê “Bê Serok Ciwyan Nêbeno” hetê qewşaxê Soydan kewtî ray. Polîsan mudaxaleyê nûmayişî kerd û bi seyan kesî girot bin çiman. Polîsan waştî hemserokanê HDP û DBP zî bigîrê bin çiman la, şarî verniya polîsan girot û destûr nêda.
Edena de ‘Ocalan’ rê serbestî waziya
Qezaya Edena Seyhan de zî, bi rayverîna TUHAD-FED, KJA, HDK û HDP, bi wastenê azadiyê Ocalan’î nûmayiş viraziya. Bi hezarî kesê ke tewrê nûmayiş bî verra terora AKP û tecrîdî hersê xo ardî ziwan. Badê şiyayiş, şêlig Bazarê Çarşeme de amê pêhet û ûca de rayverînê HDK de damusnayin diya.
Eşkerakerdiş de eleqe anciya lejo ke AKP Kurdistan de rameno ser. Herzewbîn vengê wayirvetişê rayverînê xoser ame dayen. Herzewbîn serva vinderdişê herbî hayr anciya hewcedariya serbestiya Rayverê Şarê Kurd Abdullah Ocalan’î ser. Polîsan badê eşkerakerdişî, êrişê şêligî kerd.
Îzmîr de xoserî silam bî
Îzmîr de zî Meclîsê Aşitî, KJA û TAY-DER çarçoweya kampanya ‘Ocalan’î re Azadî’ de şiyayîş viraziya. Hemserokê DBPê Kamûran Yuksek zî rayveranê HDP ra piya tewrê çalakî bi.
Şêligî çalakî de, xoverdayişê rayverînê xoser selam kerdî. Quwetanê dewleta tirk zey cayanê bînan, ûca zî verniyê şarî birna û êriş kerd. Şarî verra êrîşanê giran xover da.
NAVENDÊ XEBERAN