MATUHAY-DERî derheqê rewşa Abdullah Ocalanî û qanûnê înfazî yê neweyî de eşkerayîyêke weşanaye. Eşkerayîye de ame parekerdiş ke vîrusê Koronayî ra tewr zêdêr hepisxaneyan de tehluke esto û veranêdîyayîşê tepişteyan sey xîretêkê seba kiştişî yeno pênasekerdene. Komele îfade kerd ke Abdullah Ocalan binê tecrîdêkê giranî de yo, derheqê weşîya ey de qesawetê pîlî yê rayaumûmîye estê û vat: ''Birêz Ocalan Girawa Îmraliyî de ê tepişteyanê bînan reyde binê tecrîdî de yo. Naye reyde pê qedexeyanê rojan ê peyênan xîret yeno kerdene ke vîrus sey firsendêk bêro xebitnayene. Na rewşe ne exlaqî ne zî huqûqî ya. Qesawetê keye û avûkatan ê seba rewşa Birêz Ocalanî û tepişteyan zêdîyeno.'' 'Qanûn nîno qebulkerdiş' Komele da zanayene ke ganî derheqê rewşa weşîya Ocalanî û yê tepişteyanê bînan de zanayîş bêro dayene û vat: ''Ma Wezaretê Edaletî ra wazenê ke şert û mercan bivirazo ke keye û avûkatî bieşkê rî bi rî yan zî pê telefonî pêvînayîş bikerê no qanûn sey ''qanûnê şermî'' ma pênase kenî." STENBOL