OHAL o ke bi aşmano Tirkîye de yeno ferz kerdiş kişta sporî de zî komelî tesîr keno. Koyê Amanosî ke bi rindîya xo her serre hetê bi seyan sporbazanê tebîetî ra yenî zîyaretkerdiş, emser OHAL ver ameyî padayîş.
Babete ser o Serekê Kûlubê Sporbazanê Tebîet û Koyan (ÎDOK) Akay Salmanogluyî qisey kerd û wina va: “Ma tebîet de spor kerdênê û vengê bajarî ra dûrî, ma Amanos û Torosan de rindîya tebîetî bi fotografan antênê. Nika Amanosan de tayê herêmî qedexe yî. Qedexe ver hûmara sporbazan kewta. Qedexeyî benî sebebê qedîyayîşê turîzmî. Ma reyna zî pawe yî ke gêrayîşê ke seba sporî yenî kerdiş, bidomyî.”
HATAY