Îxtîdara AKP badê hewldayena derbeya 15ê Temmuze pêroyîya Tirkîye de OHAL îlan kerd. Her çendî OHAL pêroyîya Tirkîye de ame îlankerden zî, caardişê ci tenya Kurdistan de kewt merîyetî. Tenya Dêrsim de îlanê OHALî ra dima 4 welatijî hetê polîs û lejkeranê tirk amey kişten.
Kiştoxî yenê seveknayen
1ê Tebaxe de dewa Pakirê yê Xozat de gencê 22 serre Mesut Îlkbahar hetê lejkeran ame qetilkerden. 9ê Tebaxe de Pilûr de Şukru Abay ame kişten. 6ê Îlone de wesayîta zirxî yê polîsan rayîra Meydanê Seyîd Rizayî de pîra 71 serrî Nacîye Ozdemir qetil kerd. 20ê Îlone de onca dormeyê Dola Mûnzûrî de lejkeran şoforê 28 serre Ersîn Demîr hedef girot û bi gulevornayenî ey qetil kerd. Reyna dewa Venk de netîceyê êrişa leşkerî de welatij Îrfan Top linga xo ra bi dirbetin. Heta nika derheqê kiştox û versûcan de cipersayiş zî nêameyo akerden. Dewlet nê înfazan bin qilifê herbî de hewl dana rewa bikero.
DÎHA / DERSIM