Tezkereyo ke OHAL’î 3 aşmanê bînî derg keno, Serokê Meclisî rê ame ruşnayen.
Lijneya Ewlehiya Neteweyî (MGK) ke vizêr qesra serokomarîye de kombîyayîş viraşt ra qerarê dergkerdişê OHAL’î vejya. Wexto ke hona kombîyayîş dewam kerd de, tezkereyê dergkerdişê OHAL’î meclîsî rê ame ruşnayen.
OHAL ke 20'ê Tîrmeha 2016’î de ser vernîyaza MGK ame îlankerdiş. Wexto ke OHAL amebi îlankerdiş, hikûmet beyan kerdbi ke OHAL do tenya 3 aşman bimano. La ser îlanê OHAL’î ra serrek vîyart û bi hezaran kesî bî mexdûrê ci.
Bi des hezaran îxracî
Hikûmet çarçoveyê OHAL’î de bi desan herêmanê Vakûrê Kurdistanî de qedexe ronayo. Herzewbîn xeynê nûmayîşanê AKP, pêrokîn çalakîyê mûxalîfan bi behaneyê OHAL’î yenê qedexekerdiş. Dewlet hewldayîşê derbe yê 15ê Temmuze kerd behane û her ca de îdareyo orfî îlan kerd. Herzewbîn 15ê Temmuze ra dima zî hikûmet Qerarnameyê Hukmê Qanûnî de îlan kerd û qada perwerde ra heta qada weşî bi des hezaran emegdaran îxrac kerd û karî ra eşt.
ANQARA